عدد المشاهدات : 907

السلام عليكم ورحمة الله وبركاته

الاخوة الافاضل اعضاء مملكة تاميكوم

انا حاليا زوجي بقاله سنة عامل حادثة وخلال السنة دي عمل 3 عمليات
والعملية الاولى اتسببتله بحدوث تيبس في المفصل واصابة رجله بعكز مش بيقدر يتنى رجله
ومازال موجود كسر بعظمة الفخذ لم يلتأم حتى الان

وكمان الدكتور قال انه لسه عايز عملية بالمناظر يتعمله فيها سنفرة للركبة ولو منفعتش هيعمله عملية يشيل فيها الصابونة ويركبله صناعي بس دا هيتم بعد الميكروب اللي في الدم ما يروح
والدكتور مانعه من التحميل على رجله خالص
ومقدر حالته دى انها ممكن تاخد سنة كمان

وحماتى خلاص تعبت من مصاريفنا وكل شوية تتخانق معانا
حتى زوجي نزل اشتغل على عربية كبدة الاسبوع اللي فات لكن رجله ورمت جدا وازرقت لان الوقوف غلط عليه والتحميل غلط عليه

فااحنا فكرنا اننا نجيب توكتوك ونشغله وفي واحد جارنا هيشتغل عليه وكلها سنتين وابني يعرف يسوفه
واتصلت باكتر من جمعية لكن مفيش استجابه

طالبة منكم المساعدة بتجميع ثمن التوكتوك وهو سعره بيتراوح بين 20 الف و 25 الف
وهنرد سعره على اقساط شهريه كل شهر من 300 ل 500 جنيه

وطبعا الاقساط هتترد من شغل التوكتوك لانه بيدخل في اليوم من 50 ل 75 جنيه
هنقدر نصرف منها على اولادنا وعلى علاج زوجى ونشيل كل يوم 25 جنيه او 20 لقسط واعطال التوكتوك

وطبعا احنا فكرنا اننا نجيبه قسط لكن لقينا انهم عايزين 7 الالف جنيه في الاول واجمالي ثمنه هيكون 40 الف جنيه وكل شهر الف جنيه قسط وطبعا كل دا كتير اوى

كلي امل في ربنا وفيكم