فرح على الفيس بوك
عدد المشاهدات : 7756
في احدى البرامج التليفزيونة شاهدت ذلك الخبر وهو
(دعوة لحضور حفل زواج فيس بوكى يوم الجمعه 25 يونيو الساعه 12 ونص مساء على الفيس بوك
الجمعه 25 يونيو الساعه 12 ونصف مساء حانستقبل عريس وعروسة الفيس بوك
حانعمل حفل زواج على الفيس بوك وحايكون فيه نقوط واللى ينقط بأقل من خمسين جنيه حانقطعععععه
كل الفيس بوكيين معزومين ومستنيينكم كلكم فى اولى حفلاتكم على
الفيس بوك )
استغربت جدا من الخبر ده .طيب ازاى هيكون فرح غير لما نسمع زغروطة طنط أم أحمد جارتنا تهز أركان الشارع كله ولا
لما نعلق (فرعين نور) على بيت العريس والعروسة ولا لما يحصل شوية خناقات بين أهل العريس والعروسة ونلاقي في
أول الحفلة الكل (متنشن) ويدوب أول ما تشتغل أغنية سعد الصغير (النهاردة فرحي ياجدعان) الكل يفوك ويضحك ولا كأن حاجة حصلت ولا لما العروسة ياعيني تكون محتارة بين أهل العريس وأهلها ومش عارفة ترضي أي طرف فيهم ما الكل عايزها(ترقص) معاه. طيب يبقى فرح ازاى من غير ما نفرقع
شوية صواريخ أو نغرق الناس بالفوم
طيب فيه سؤال بيطرح نفسه وهو :الزفة هيعملوها ازاى؟
اه أينعم .الحالة الاقتصادية للشباب متدهورة بس متوصلش
لدرجة إن الفرح يبقى على الفيس بوك والكل بقى يبقى أون لاين
ويكتب على (wall) التهاني والمباركات
طيب ياعيني ماما العروسة اللي نفسها تحضر فرح بنتها وملهاش في (النت والنتيتة) تعمل ايه!!!!!!
(((((عيشنا وشوفنا))))))
رد مع اقتباس
المشاركة الأصلية كتبت بواسطة gihan afifi
