عدد المشاهدات : 461

السلام عليكم انا من سوريا من مدينة ادلب
رح اشرحلكن قصتي وانتو أحكمو
---
من فترة سنتين وشوي
رحت بدي قدم ع دفتر عسكرية بشعبة التجنيد ومنها بقدم ع بكالوريا منشان طالع التأجيلة كرمال الجيش
أم قالولي أول الشي طالع دفتر عسكرية بعدين منعطيك التأجيلة
عملت وراقي وعملت فحص طبي كرمال عيوني بلكي بحطوني خدمات ثابتة
كنت يوم اي يوم لأ روح لعند شعبة التجنيد بلكي بيجو وراقي بس منشان أخد ع القليلة التأجيلة
أم بين ما حولو وراقي من ادلب للشام أكلت شهر و 22 يوم
وقبل الأمتحانات بيوم واحد رحت لعندهن وإذ دفتر العسكرية جاي بس طلبي ع التأجيلة التغى بسبب" أنو تأجيلات مافي "لأنو بكرا الأمتحانات :
سلمت أمري ل الله
ورحت تاني نهار ع الامتحانات
وانا بالقاعة اجا عسكري وقف عندي وقلي وين تاجيلتك
قلتلو ما معي أم نزلني قلي ما بترجع إلا لتكون تأجيلتك معك
استنيت سنة متخبي عند قرايبيني
لا بقدر لا اطلع لا فوت لا امشي متل الناس بالشوارع
عيوني ع طول عم بتراقب الناس لا حدا يجي لعندي ويطلب هويتي "لأني صرت متخلف"
لما فتحو التسجيل للسنة الجاي
اتوكلت ع الله ورحت أم قالولي ما منقدر نعطيك تاجيلة لأنك متخلف 10 اشهر قلتلهن شو ما تذكرتوني انا الشب اللي أخرتوني " وإذ باللي بمشي التأجيلات ابنو عسكري متوفي بخدمتو كرمال هيك ماعم يعطي تأجيلات لحدي"
قلتلهن والعمل أم صار يعيط بوشي ويصيح عطيني وراقك بدنا نعطيك ورقة السوق منشان نشحطك
أنا هيك حملت حالي وهربت

من حوالي اسبوع الله بعتلي ابن حلال مشا حال ابنو كان وضعو متلي
بس قلي لازمك 80الف "منشان يشيل التخلف "ويعطي كم ليرة لمدير شعبة التجنيد
انا معي موبايل htc chcha وموبايل N72 إذا بعتن ما بجيبو هل السعر
وشغل ما بقدر اشتغل لأنو مابقدر انزل وأكشف حالي للناس
اهلي بهل الظروف يادوب عم يلحقو مصروف خبز والمي والغاز
والله أوضاعنا من قبل كانت احسن بكتير بس الله لا يوفقو اللي كان السبب
لو ماني مضطر كنت ما كتبت بس ع القليلة شوي ارتحت لأني حكيت
انا ماني طالب شفقة أو رحمة أو كزا حتى من الموت ماني خايف
بس إذا رحت ع الجيش فيمكن اقتل حالي لانو ماني مضطر اقتل حدا كرمال كرسي أو دين