يومك شكله ايه

**totta** · 19-03-2009 01:35 AM

السلام عليكم ورحمه الله وبركاته

اخباركوا ايه يا افراد المملكه المعظمه ان شاء الله تكونوا كلكوا بخير

انا جت لى فكره شايفه انها حلوه دمها خفيف ومفيده فى نفس الوقت قولت اعرضها عليكوا واشوف رايكوا ايه

والفكره باينه من العنوان

ايه رايكوا هنا كل واحد فينا يحكى كان يومه عامل ازاى يعنى اجمد موقف حصله فى اليوم

موقف "مش تمام" بقى موقف حلو المهم انه موقف

انا حسيت ان الفكره دى هتقرب كل اعضاء المملكه من بعض وهيحسوا انهم فعلا عايشين فى مملكه واحده عارفين اخبار بعض

بس اللى اقصده اكتر بالفكره دى ان كل حد فينا يتعلم من التانى ويكتسب خبرات لأننا اكيد لما بنشوف مواقف حصلت لغيرنا بنتعلم منها اوى

وعلى فكره مش ضرورى ان الموقف يكون حصلك النهارده ممكن يوكن حصلك قبل كده او حصل لحد تعرفه وانت شايف انه موقف حلو ممكن يفرحنا او موقف سئئ او محرج ممكن كلنا نتعلم منه

بس كده خلاص الفكره خلصت

ياريت بقى اعرف رايكوا

**سحر** · 19-03-2009 04:40 AM

فكره حلوه جدا
انا هبدأ
دخلت علي المنتدي لقيتني لسا عضوه رغم اني متوقعه طردي من زمان اصل انا كل ما ادخل منتدي يحصل معايا كده واضح فعلا ان المنتدي ده ديمقراطي بس مش عارف يستحملو لامتي

مين اللي بعدي

**محمد** · 19-03-2009 01:34 PM

فكرة الموضوع رائعه و تذكرني قديما بموضوع بفكرة موضوع البساط الاحمدي لصديقي و اخي شبلي موعد .... عموما من الممكن ان يكون الموضوع تسجيلا يوميا لمواقف الحياة اليومية للاعضاء

الموضوع للتثبيت .....

بخصوص الاخت سحر ... لن يحدث باذن الله ان يتم اتخاذ قرار بابعاد احد عن المملكة الا في حالة مخالفة القواعد الوارده في قانون المملكة .... و هذا يرجع لتقدير الساده الوزراء .... فحاولي ان تستمتعي بالاقامه بيننا قدر الامكان .....
تقبلي تحياتي

المشاركة الأصلية كتبت بواسطة سحر

فكره حلوه جدا
انا هبدأ
دخلت علي المنتدي لقيتني لسا عضوه رغم اني متوقعه طردي من زمان اصل انا كل ما ادخل منتدي يحصل معايا كده واضح فعلا ان المنتدي ده ديمقراطي بس مش عارف يستحملو لامتي

مين اللي بعدي

**ملكة اليمن** · 19-03-2009 08:15 PM

المشاركة الأصلية كتبت بواسطة سحر

فكره حلوه جدا
انا هبدأ
دخلت علي المنتدي لقيتني لسا عضوه رغم اني متوقعه طردي من زمان اصل انا كل ما ادخل منتدي يحصل معايا كده واضح فعلا ان المنتدي ده ديمقراطي بس مش عارف يستحملو لامتي

مين اللي بعدي

مشاغبة يعني !!!
احنا ديمقراطيين على الاخر طالما ماشين على حسب الوائح
مع اني شايفة انك عسل
بتعملي ايش لما بيطردوكي :d

**silentemotions** · 19-03-2009 08:59 PM

فكره رائعـه
اسمحى لى بعوده ثانيه للرد عليكِ
لانى مضطره للتصفح السريع وخارجه بعد قائق

**hobaprince** · 20-03-2009 04:18 AM

فكره رائعه جدا وفرصه لتبادل الخبرات بين الاعضاء

و لو عند أحد الأعضاء اى مشكله يمكن طرحها للنقاش يمكن ان نصل لحل لها

وتمنياتى بدوام التوفيق للجميع

**سحر** · 22-03-2009 03:33 PM

المشاركة الأصلية كتبت بواسطة ملكة اليمن

مشاغبة يعني !!!

احنا ديمقراطيين على الاخر طالما ماشين على حسب الوائح
مع اني شايفة انك عسل

بتعملي ايش لما بيطردوكي :d

بصي يا ملكه
معظم المنتديات العربية منتهي التعسف مفيش حد مسموحله يطلع فوق او ينزل تحت عن سياسة الاخ طويل العمر صاحب المنتدي يعني اقول مثلا عاوزين نعمل كذا اورأيي كذا اوالمفروض يكون كذا تجيلك علي طول رساله اداريه تقول : غير مسموح لك الدخول الي هذه الصفحه رجاءا اتصل بطويل العمر الباشا الكبير صاحب المنتدي
و تطبيقا بقه لمبدئ العلم بالشئ ابعت رساله للبيه مدير المنتدي طبعا محدش يرد و بعد ما نبعت حوالي من الف الي الفين رساله و يتدخل عشاني بعض المشرفين من اصحابي تجيلي رساله ادارية تانية بتقول ارصنا ودنك علي تجاوزاتك ومخالفة اوامرواحلام وقرارات البيه المشرف و لوحصل اتكرر كده هنعضك و هتعدمي رميا بالمواضيع المغلقه و المحذوفه

ادعي بقي يكونرئيسنا هنا طويييييل البال

شكراااااا الكوووووووووووووووووووون علي رأي نتاشا :d

**silentemotions** · 24-03-2009 12:32 AM

سحوره المهم لا نخالف العقيده ولا نسخر من الاخرين ولا نتعدى بالسب والشتم على اى عضو
يعنى القوانين عندنا مش متشدده ولا حاجه احنا بنعمل الاصول

وانتى نورتينا

**شبلي موعد** · 26-03-2009 03:24 PM

متاعب الحياة اليومية تبدأ بشعور من القهر نتيجة الفرق الكبير بين الدخل المادي من جهة وبين الآمال والتطلعات البسيطة نوعا ما من جهة أخرى
ولا نريد القول جزافا أنني أتطلع لسد جوع الفقراء في ربوع كل العالم
ولا لتوفير الدواء للمرضى
مجرد التفكير أو قصد أو نية لتحسين ظروف الناس فهذا ما أراده لنا رسولنا الكريم وهذا ما يريده لنا رب العرش العظيم
لكن ينهض أحدنا للعمل لتوفير لقمة العيش له وللمتعلقين به من جهة ........وعلى أمل أن يصبح مليونيرا ويبقى شابا صحيح الجسم ..........والعقل ........من جهة أخرى

**totta** · 26-03-2009 06:59 PM

بصراحه ياجماعه انتوا ازهلتونى بترحيبكوا الجامد اوى بالفكره انا مكنتش متخيله انكوا هترحبوا اوى كده بالموضوع
وبصراحه كمان انا جايه مليانه على اخرى بمواقف سخيفه اوى حصلتلى الاسبوع ده ومخنوقه منها وعلى اخرى
اولا بدايه الاسبوع كانت مشرقه جدا (بدات بسرقه موبايلى من شنطتى )
ثانيا لقيت ناس كتير زعلوا منى على كلام وصلهم غلط وكدب وانا اصلا مش قولته
ثالثا وده بقى كان ختام الاسبوع الجميل الملئ بالعواصف والد اعز واحده فى صحباتى توفى ومتهيالى انتوا عارفينها هى nesma taleb
ولسه من شويه لقيت اكتر واحده صاحبتى واكتر واحده بحبها مخنوقه وعلى اخرها وعيطت وهى بتكلمنى
ادعولى ياجماعه عشان بجد حاسه ان كل اللى بيحصل الاسبوع ده فوق حدود احتمالى وخصوصا ان كله جه فى وقت واحد

**WAHHAB** · 02-04-2009 06:48 AM

الفكره جميله جدا

يومي النهارده مالوش ملامح .. دايما متعود اصحي قبل الشغل بدري بساعتين للأسف النهارده صحيت قبلو بنص ساعه فطبعا لبست هدومي بسرعه واللي مكنت عارف ساعتها انا لبست ايه وطلعت لاقيت فردة العربيه نايمه .. طبعا اضطريت اشمر وبدأ في تغير العجله والحمد لله خلصت بسرعه صاروخيه ممكن ادخل بيها موسوعة جينيس للأرقام القياسيه ولكن يبدو ان في حد كان داعي عليا النهارده عشان رحت اشغل العربيه لاقبت البطاريه نايمه ومش فاهم ليه مع ان اعربيه لسه جديده ( محدش يفهمني غلط دي عربية الشغل مش عربيتي - مش ناقصين حقد طبقي وانا لسه مجبتش عربيه ملك ) المهم اتصلت بواحد صاحبي شغال محاسب في توكيل عربيات قريب مني حوالي 20 كيلو ( بردو انا مبتريقش عشان اللي عاش في السعوديه هيعرف ان 20 كيلو ده يعني هو في الشارع اللي وراك ) وبعتلي واحد من لعمال شحنلي العربيه .. الحمد لله طلعت ولقيت نفسي متأخر حوالي ساعه و سبحان الله ماشفتش زحمه علي الطريق زي اللي شفتها النهارده مع ان الطريق ابع حارات رايح واربع حارات جاي .. وصلت طبعا متأخر وخدت دش متين من مديري( لا داعي لذكر التفاصيل منعا للإحراج ) المهم اني اتنيلت وصلت .
وبعد يوم طويل من التعب كنت بحلم بالسرير طول الطريق وانا مروح ولكن يافرحه ماتمت .. دخلت البيت لاقيت صاحبي عازم واحد يسهر معانا وبيقول انو واحشو جدا ولازم يعمل معاه الواجب و طبعا اضطريت اسهر معاه لحد الساعة تلاته علي امل انو يروح لكن للأسف صاحبي كريم جدا فعزم عليه يبات و التاني مكدبش خبر ..
دلوقتي قدامي حللين .. يأنام بس مش ضامن نفسي هعرف اصحي وأروح الشغل مع العلم ان فاضل 4 ساعات بس عشان المفروض اصحي ولا افضل صاحي لحد ماييجي معاد الشغل ..
طبعا اخترت الحل التاني ولا مكنتش بكتب الموضوع ده دلوقتي
صاحب فكرة الموضوع ده عبقري .. عشان كان نفسي افش غلي النهارده

**محمد** · 08-04-2009 07:39 PM

من الاسكندريه الي القاهرة ...في القطار الفاخر الملئ بالفئران و الذي زاد سعر تذكرته لزيادة دعم وجبة الفئران الجائعين ... جلست بجواري فتاه شقراء رائعه الجمال ... يبدو انها سائحه لا تمت الي هذه البلاد بصله ... لا مانع اذا من ختبار لغوي سريع للغه الانجليزيه ... او اي لغه تنوي ان تتكلم بها هذه الجميله

ما اسمك ... اوه اسم جميل ... و تتابعت الحوارات و القفشات و ابتسامتي العريضه لا مجال لتقليل مقاسها .... من اي بلد انت يا "مس" ... من امريكا ... هنا ابتسامتي تأثرت نوعا ما ... و لكن ما المشكله في امريكا... بلد كبير و رائد و متحضر ... اذا لا مجال لهذه الاوهام ان تؤثر في تلك اللحظه الخلابه و انت تتحدث مع فاتنه تأكل "الـكورن فلكس" يوميا بدلا من الفول الذي تتغذي عليه فاتناتنا ...
تبادلنا اطراف الحديث ... تحدثنا عن اوباما .... عن السياسه عن الاقتصاد ... عن التغير الذي اصاب امريكا بان تنتخب رجلا اسودا من اصول اسلاميه رئيسا لها ....
تحدثنا عن مصر ... عن الفراعنه طبعا و عن آثارها الرائعه ... و عن عدد السكان الرهيب و المهيب و اوضحت لها ان هذا امن قومي بحت

لا انكر ان ابتسامتي ما زالت محافظه علي مقاسها الواسع .. و لم لا ... فالحديث مع هذه الشقراء الباهره يجبرك علي ذلك طوال الوقت .... سألتها عن معتقداتها هل هي من الاغلبيه الكاثوليكيه ام من الاقليه الارثوذكسيه ام تنتمي للبروتستانت .... ابتسمت ابتسامه ساحره و قالت لي "انا يهوديه"....
انطفأ نور وجهي ... و اختفي فمي تماما من علي خريطة وجههي الذي امتقع بلون كلون المقعد الذي اجلس عليه (لونه رمادي بالمناسبه ) .... حضرتك يهوديه !!!!.... اهلا و سهلا في بلادنا .....
يبدو ان ذكائها المرتفع جعلها تدرك الزلزال الذي ضرب تضاريس وجههي فأخذت تتابع بقوه ... انا ولدت هكذا ... و ارفض طبعا ما تقوم به اسرائيل ... انا ضدها ... و ليس كل اليهود مثلها ...و ,...
قاطعتها برقه تليق بفاتنه يهوديه !! ... هل تسمحيلي ان اذهب الي الحمام .... طبعا .. تفضل سيدي ...
انتفضت بسرعه من ذلك المقعد ... و تركت العربه بأسرها و انا امني نفسي بأي مقعدا فارغ و لكن هيهات ... ظللت واقفا حتي نهاية الرحله ... و وقعت عيناي علي فاتناتنا من راكبي القطار المستسلمين الي سماع الموسيقي من سماعات هواتفهم و كأنه قانون .... فقلت في نفسي ..... يحيا الفول ... و يسقط الكورن فليكس .....

تحياتي

**totta** · 10-04-2009 06:42 PM

معلش ياريس تعيش وتاخد غيرها اهو ده بقى التطبيق الحقيقى للمثل الشعبى البطران سكته قطران وفى يومك ده كان سكتك قطران اخر حاجه تتعوض ياريس بس افتكر ان الفول لا يعلى عليه

**totta** · 10-04-2009 06:46 PM

اما حضرتك بقى ياسياده الوزير فانت بجد شرفتنا بزيارتك الكريمه وحقيقى انا متاثره جدا باللى حصلك ربنا يكون فى عونك ومستنيه اضافه حلوه منك عن يوم جميل تكون مريت بيه

**جميله خليفه** · 17-04-2009 12:40 PM

يوم جميل جدا بالنسبالى نهايه الاسبوع
يااااه بنتظر اليوم دى من اول الاسبوع بصحى برحتى الساعه 10 وفطر الفطار اللى انا جهزته بنفسى
بقيه اليوم بخرج مع صحابى ونشترى حاجات كتير اجمل حاجه طبعا
والنصف التانى منه بكمله فى البيت مع اهلى
لان ف ايام الكليه برجع تعبانه بنام مش بقعد معاهم
على الرغم من بساطه اليوم بس بحس انه اجمل الايام بعيش مع ناس بحبهم
ودى اجمل حاجه

**nadonido** · 10-05-2009 10:24 PM

موقف حصلى أمبارح، بس خلانى أفكر كتير...

كنت قاعدة فى مقر عمل العائلة الخاص ( محل ملابس) و دخل شاب يسأل عن "فكة 100 جم "
جال فى ذهنى للحظة بعد سؤاله "الموقف دة حذرنى منه الكثير، فأقدم طريقة للنصب هى فك الأموال المزورة"
يضرب فى ذهنى كالبرق موضوع " الخوف " الموجود على المنتدى، و إحتمالية ان يكون الشاب نصاب، و إحتمالية أن يكون فعلا فى حالة للفكة...

و أسمع كلمة محمد ترن فى أذنى:

بمعني ان تتخذ قرارا بالوقوف متحديا ذلك الشعور بالخوف ... و ان تستعد لأن تكون ذلك الشهم او ذلك الشهيد ... و ان تبتسم في الحالتين

أيوة أن تبتسم فى الحالتين

أسكت الأفكار فى عقلى "الراجل واقف" و أرى أنه من الواجب المساعدة...

أقول له أرينى المائة جنية.

يقترب و يخرج الورقة ملفوفة كالسيجارة، و يفردها لى .

امسكها ، و ارى الوانها الباهتة و ملمسها الورقى الذى يذكرنى بملمس الفلوس فى "بنك الحظ"

واضح أنى هأضحك الضحكة التانية " الـ100 جم طاعت مزورة

"

أقولة و انا مبتسمة : دى مزورة !

يقولى الشاب : مزورة إزاى ، دى مغسولة بس !!!

استفزنى الشاب ... مش كفاية كشفته ، دة بيتمادى فى التمثيلية ...و فاكرنى ساذجة... قال مغسولة قال...

- انت جايب الـ100 جم دى منين؟

- من بابا؟ قالها و هو يسحبها من يدى...

- طب ادينى رقمها !!!

مش عارفة ليه قلتله كدة ، مش عارفة هأعمل بيه ايه الرقم...

- ليه؟؟ خلاص مش عايز أفك...

هنا يدخل شاب أخر معاه ، و يرانى اكتب الرقم ، فيقولى: تخدى أسمنا كمان ؟؟؟

هنا بس عرفت إنى المفروض أبطل عدم الخوف و أبتدى أخاف

سكت... و خرجوا الأثنين بعد أن لف الورقة كالسيجارة مرة أخرها و دسها فى جيبه...

للحظات، أفكر ...
كان المفروض اقطعها...
تقطعيها علشان يطعوكى معاها...
طب انا لوحدى دلوقتى ، و هما عارفين ان معايا فكه... ممكن يرجعولى...
كان المفروض أسمع كلام الناس و أقولهم ما فيش فكة من الأول...
خلاص اللى حصل حصل و ربنا يستر...

أرفع سماعة التليفون لأحكى لأبى (علشان لو حصلى حاجة يعروفوا ليه

)
أبى : "بلاش لماضة مع الأشكال دى ،كنتى تقوليلهم ما لقيتش فكة لما لقتيها مزورة..و بعدين ماحدش بيفك لحد دلوقتى غير لما يكون عارفة"

...

الموقف عدى و خلص ، و لكن فضل السؤال اللى محيرنى...

كان المفروض أعمل إيه؟؟
أعمل فيها مش واخدة بالى و أقول ما فيش فكه لما شفتها...
أسيبها ينصبوا بيها على حد تانى...
أقطعها...
أكون إيجابية و لا سلبية!!
أكون ذلك الشهم أم أكون كباقى البشر خائفين ، و أديها ماشية...

سؤال !!!

**nadonido** · 13-05-2009 05:28 PM

فرصة أقولوكوا أن فيه ورق 100 و 200 مزورين اليومين دول
خودوا بالكو

**محمد** · 13-05-2009 11:34 PM

المشاركة الأصلية كتبت بواسطة nadonido

موقف حصلى أمبارح، بس خلانى أفكر كتير...

كنت قاعدة فى مقر عمل العائلة الخاص ( محل ملابس) و دخل شاب يسأل عن "فكة 100 جم "
جال فى ذهنى للحظة بعد سؤاله "الموقف دة حذرنى منه الكثير، فأقدم طريقة للنصب هى فك الأموال المزورة"
يضرب فى ذهنى كالبرق موضوع " الخوف " الموجود على المنتدى، و إحتمالية ان يكون الشاب نصاب، و إحتمالية أن يكون فعلا فى حالة للفكة...

و أسمع كلمة محمد ترن فى أذنى:

أيوة أن تبتسم فى الحالتين

أسكت الأفكار فى عقلى "الراجل واقف" و أرى أنه من الواجب المساعدة...

أقول له أرينى المائة جنية.

يقترب و يخرج الورقة ملفوفة كالسيجارة، و يفردها لى .

امسكها ، و ارى الوانها الباهتة و ملمسها الورقى الذى يذكرنى بملمس الفلوس فى "بنك الحظ"

واضح أنى هأضحك الضحكة التانية " الـ100 جم طاعت مزورة

"

أقولة و انا مبتسمة : دى مزورة !

يقولى الشاب : مزورة إزاى ، دى مغسولة بس !!!

استفزنى الشاب ... مش كفاية كشفته ، دة بيتمادى فى التمثيلية ...و فاكرنى ساذجة... قال مغسولة قال...

- انت جايب الـ100 جم دى منين؟

- من بابا؟ قالها و هو يسحبها من يدى...

- طب ادينى رقمها !!!

مش عارفة ليه قلتله كدة ، مش عارفة هأعمل بيه ايه الرقم...

- ليه؟؟ خلاص مش عايز أفك...

هنا يدخل شاب أخر معاه ، و يرانى اكتب الرقم ، فيقولى: تخدى أسمنا كمان ؟؟؟

هنا بس عرفت إنى المفروض أبطل عدم الخوف و أبتدى أخاف

سكت... و خرجوا الأثنين بعد أن لف الورقة كالسيجارة مرة أخرها و دسها فى جيبه...

للحظات، أفكر ...
كان المفروض اقطعها...
تقطعيها علشان يطعوكى معاها...
طب انا لوحدى دلوقتى ، و هما عارفين ان معايا فكه... ممكن يرجعولى...
كان المفروض أسمع كلام الناس و أقولهم ما فيش فكة من الأول...
خلاص اللى حصل حصل و ربنا يستر...

أرفع سماعة التليفون لأحكى لأبى (علشان لو حصلى حاجة يعروفوا ليه

)
أبى : "بلاش لماضة مع الأشكال دى ،كنتى تقوليلهم ما لقيتش فكة لما لقتيها مزورة..و بعدين ماحدش بيفك لحد دلوقتى غير لما يكون عارفة"

...

الموقف عدى و خلص ، و لكن فضل السؤال اللى محيرنى...

كان المفروض أعمل إيه؟؟
أعمل فيها مش واخدة بالى و أقول ما فيش فكه لما شفتها...
أسيبها ينصبوا بيها على حد تانى...
أقطعها...
أكون إيجابية و لا سلبية!!
أكون ذلك الشهم أم أكون كباقى البشر خائفين ، و أديها ماشية...

سؤال !!!

ممممممممم

من المفترض انك تبحثين عن اجابه لا فلسفيه ...

في الحاله التي واجهتك .... منتهي الايجابيه انك طلبتي فحص العمله .... منتهي القوه انك ابتسمت و اخبرتيهم باكتشافك ان الورقه مزوره ... منتهي الشجاعه انك طلبت رقم العمله الورقيه ... ثم منتهي الحكمه انك لم تفعلي اكثر من هذا ...

ببساطه ... اكتشفتي تزوير .... منعتي عملية غسل اموال (مزوره) .... زرعتي الشك في نفوس المزورين با امرهم مفضوح .... حافظتي علي نفسك و المكان الذي تقفين فيه

هذه بطوله يا انستي ...

لو كنت رفضتي "فك" الورقه لمجرد الرفض ... لكان من الممكن ان يكون الشخص فعلا محتاج و يحمل عمله سليمه ... هنا السلبيه ... هنا الخوف سيد الموقف

احييك علي ما فعلتي .... فعلا احييكي ...

و لكن ماذا يفعل المواطن العادي من امثالنا و الذي لا يرقي الي خبرتكم .... ليتأكد من العمله

**مواطن** · 14-05-2009 02:04 PM

يومي كان حافلا امس
كنت جالسا في مدرج الجامعه
البريفوسور يشير نحوي
انت قف ايها الاسود
وقفت و قلت له انا اسود و مسلم يا سيدي و من وموريتانيا
فقال البروفيسور للزملاء شجعوا الزميل رغم انه اسود و مسلم و من موريتانيا الا انه يدرس في انجلترا
كتمت مشاعري في غيظ
و عندما تكلمت دافعت عن لوني فهو لون من صنع الله ثم ان اوباما الاسود هو رئيس امريكا حاليا
دافعت عن بلادي فهي صغيره نعم و ناميه نعمين و لكنها بلادي و بها الكثير من الجمال و الايجابيات
اما ديني فقد الهمني الله قدرة من عنده و دافعت عنه فلم يقاطعني احد و عندما انتهيت صفق لي الزملاء الغير مسلمين
و الخمد لله
في انجلترا الحريه حريه و العنصريه عنصريه
و انا هناك مصنف باني اسود مسلم و من موريتانيا و لله الحمد

**nadonido** · 16-05-2009 10:38 AM

أشجعك أحى مواطن...
على موقفك معهم، و على دفاعك عن ما ترمز اليه...
مسئوليتك كبيرة هناك...

ربنا معاك

**نهله** · 17-05-2009 01:00 AM

المشاركة الأصلية كتبت بواسطة مواطن

يومي كان حافلا امس
كنت جالسا في مدرج الجامعه
البريفوسور يشير نحوي
انت قف ايها الاسود
وقفت و قلت له انا اسود و مسلم يا سيدي و من وموريتانيا
فقال البروفيسور للزملاء شجعوا الزميل رغم انه اسود و مسلم و من موريتانيا الا انه يدرس في انجلترا
كتمت مشاعري في غيظ
و عندما تكلمت دافعت عن لوني فهو لون من صنع الله ثم ان اوباما الاسود هو رئيس امريكا حاليا
دافعت عن بلادي فهي صغيره نعم و ناميه نعمين و لكنها بلادي و بها الكثير من الجمال و الايجابيات
اما ديني فقد الهمني الله قدرة من عنده و دافعت عنه فلم يقاطعني احد و عندما انتهيت صفق لي الزملاء الغير مسلمين
و الخمد لله
في انجلترا الحريه حريه و العنصريه عنصريه
و انا هناك مصنف باني اسود مسلم و من موريتانيا و لله الحمد

يوم حافل حقيقي بموقف رائع ........ أكيد شعرت بفرحة كبيرة بعدها لدفاعك عن دينك و بلدك و ان ربنا ألهمك ثبات و كلام تدافع به.
جعلك الله سفير خير لدينك و بلدك...... ووفقك في دراستك هناك ان شاء الله

**دينا جابر** · 18-05-2009 02:27 PM

المشاركة الأصلية كتبت بواسطة مواطن

يومي كان حافلا امس
كنت جالسا في مدرج الجامعه
البريفوسور يشير نحوي
انت قف ايها الاسود
وقفت و قلت له انا اسود و مسلم يا سيدي و من وموريتانيا
فقال البروفيسور للزملاء شجعوا الزميل رغم انه اسود و مسلم و من موريتانيا الا انه يدرس في انجلترا
كتمت مشاعري في غيظ
و عندما تكلمت دافعت عن لوني فهو لون من صنع الله ثم ان اوباما الاسود هو رئيس امريكا حاليا
دافعت عن بلادي فهي صغيره نعم و ناميه نعمين و لكنها بلادي و بها الكثير من الجمال و الايجابيات
اما ديني فقد الهمني الله قدرة من عنده و دافعت عنه فلم يقاطعني احد و عندما انتهيت صفق لي الزملاء الغير مسلمين
و الخمد لله
في انجلترا الحريه حريه و العنصريه عنصريه
و انا هناك مصنف باني اسود مسلم و من موريتانيا و لله الحمد

تحياتى للمواطن الرائع

**Natasha** · 18-05-2009 04:25 PM

أكيد خبر حلو.. أسأل المولى عز وجل أن يوفق بينكما، وأن يجمع بينكما بكل خير... ولا أقول إلا كما دعى سيدنا محمد صلى الله عليه وآله وصحبه وسلم لسيدنا علي كرم الله وجهه وأمنا فاطمة..

بارك الله عليكما , وبارك فيكما , وأخرج منكما الكثير الطيب

عجبتني مشاركتك جدا
الله يوفقك يارب ويرفع راسك بيناتهون
شو عم تدرس بانكليترا اخي ؟

**مواطن** · 18-05-2009 04:42 PM

بصراحة انتم رفعتم معنوياتي
انا بشكركم من كل قلبي
انا اشتريت "كيبورد بحروف عربي" عشان اواظب علي المنتدي كل ما كان في وقت بيسمح
بكرر شكري للرئيس لارساله رساله خاصه رقيقه ليا
و شكري لـ nadonido و نهله و دينا جابر و نتاشا

انا ادرس ماجستير في هندسة الالكترونيات و موفد من جامعتي

**hobaprince** · 18-05-2009 05:32 PM

أخى مواطن , انت بحق فخر لكل المسلمين .

و انا سعيد جدا بوجودك بيننا , و بصراحه انت صححت الكثير من المعلومات الخاطئه و التى كنت أعرفها عن الصومال , و بصراحه كذلك الأعلام العربى ظلم دوله الصومال الشقيقه و لم يعطها حقها.

و اتمنى ان يكون لنا معك لقاء لنتعرف أكثر عليك و على دوله الصومال.

اخر مواضيع المنتدى

الموضوع: يومك شكله ايه

LinkBack

أدوات الموضوع

عرض

يومك شكله ايه

رد: يومك شكله ايه

رد: يومك شكله ايه

رد: يومك شكله ايه

رد: يومك شكله ايه

يحيا الفول

رد: يومك شكله ايه

رد: يومك شكله ايه

رد: يومك شكله ايه

رد: يومك شكله ايه

رد: يومك شكله ايه

رد: يومك شكله ايه

رد: يومك شكله ايه

رد: يومك شكله ايه

رد: يومك شكله ايه

رد: يومك شكله ايه

رد: يومك شكله ايه

رد: يومك شكله ايه

رد: يومك شكله ايه

معلومات الموضوع

الأعضاء الذين يشاهدون هذا الموضوع

المواضيع المتشابهه

رتب يومك ,شهرك ,عامك,حياتك

مواقع النشر (المفضلة)

مواقع النشر (المفضلة)

ضوابط المشاركة