الموضوع: قرأت لك

السادة مواطني تاميكوم

هنا نتشارك بما قرأنا....
كتاب اعجبك ...
ما اسمه ... من أي مكتبه ... ما موضوعه ... ايه اللي عجبك فيه؟؟ ....
حتي لو كتاب قرأته و لم يعجبك ... لماذا لم يعجبك ؟؟....

اجمل كتاب قراته
كتاب (عبادات التفكر) للاستاذ عمرو خالد
من اهم مميزات هذا الكتاب انه صغير الحجم وسهل القراءة ..يطرح لك معلومات غريبه جدا لم تخطر على بالك تغصبك للتتفكر في ملوكت رب العباد..
اقرأه واذكرني
وايضا انصحكم بقرآءة كتاب
(استمتع بحياتك)للشيخ العريفي ..كتاب رائع جدا ..ينثر فيه الشيخ خبرته الطويله باسلوب قصصي مشوق...لاتخلوه يفوتكم

كتاب ( اسعد امراه في العالم) الدكتور الشيخ عائض القرني هو من اكثر الناس احب ان اقراء له
فانصح كل امراة بقرائته
لتحميل الكتاب من هنا






كتاب (لاتحزن ) الدكتور عائض القرني فعلا كتاب غير مسار حياتي إلى الافضل طبعا اقتني هذا الكتاب منذ ان كنت في الثانويه ... وله نسخة مترجمة
رائع بكل ما تحتويه الكلمات والمعاني والعبارات
انصح الجميع بقراءته
التحميل من هنا




كتاب (استمتع بحياتك) الدكتور محمد العريفي اشتريته منذ ايام ولم اكمل قراءته ولكن فعلا كتاب رائع ...
التحميل من هنا

المشاركة الأصلية كتبت بواسطة نهله

السادة مواطني تاميكوم

هنا نتشارك بما قرأنا....
كتاب اعجبك ...
ما اسمه ... من أي مكتبه ... ما موضوعه ... ايه اللي عجبك فيه؟؟ ....
حتي لو كتاب قرأته و لم يعجبك ... لماذا لم يعجبك ؟؟....

الفكرة دي على بالى بقالها مدة كنت اسير الى المنزل ولا املك فى جيبي ساعتها غير مبلغ بسيط
ولقيت مكتبة قدامى سبت كل حاجة دخلت جري وطبعا ما خرجتش فاضية
لانى بحب جدا جدا انى اشتري كتاب جديد واقراة
نهم لحب القرأة مش عارفة انا بس كدة والا ايه
المهم
شكرا جدا جدا نهلة على الموضوع الجميل ده الى كنت بفكر اكتبه

اخر كتاب قراته
كتاب اسمه الروح والجسد للكاتب مصطفى محمود
انا بكتبلكم ملخص عن اهم النقاط فى الكتاب والمرة الجاية هضيفها فى المشاركة ان شاء الله
اترككم على خير

الفكرة رائعه جداً يانهله
انا قرأت كتاب رائع ارسلته احدى صديقاتي لي عبر الايميل
اسمه(أخطاء المرأه المتعلقه بالخطبه والزواج)
لا اذكر اسم الكاتب(زهايمر مبكر:d)
الكتاب مقسم الى اجزاء ومشروح باستشهاد بآيات من القرآن والسنه
الجزء الأول..الخطبه
يناقش الكتاب فيها النظره الشرعيه وحقوق الخاطب
وبدع الخطوبه
والمحرمات والمحظورات بالتفصيل
الجزء الثاني الزواج
البدع والعادات والتقاليد الخاطئه..في الزواج
حق الزوجه على زوجها...ومواقف الصحابيات
حق الزوج على زوجته ...وامثله اقتداء برسول الله
المحرمات والمحظورات


صراحه فيه عناوين فرعيه كتيبر لم اذكرها
بس انصحكم بقراءة الكتاب

انا من الناس اللى بحب اقرا فى جمع المجالات
بس لسه اخر حاجه قراتها
تغريده البجعه بس بجد جميله جدااا

المشاركة الأصلية كتبت بواسطة جميله خليفه

انا من الناس اللى بحب اقرا فى جمع المجالات
بس لسه اخر حاجه قراتها
تغريده البجعه بس بجد جميله جدااا

أهلا ب جميله

مش لازم يكون اخر كتاب ..... المهم انه يكون كتاب عجبك ترشحيه للقراءة .... أو حتي معجبكيش و ليه تنصحي بعدم قرأته ... أو ايه اللي معجبكيش فيه ..... يمكن يكون في حد تاني قرأه و يتم النقاش ..

من أفضل الكتب التي قرأتها هو كتاب (لاتحزن ) للدكتور عائض القرني فعلا كتاب غير مسار حياتي إلى الافضل رائع بكل ما تحتويه الكلمات والمعاني والعبارات
انصح الجميع بقراءته

الفكره "النهلاويه" رائعه بكل المقاييس ....
الموضوع للتثبيت ...

في سياق الموضوع ... كنت قد قرأت كتابا اعجبني و قمت بتلخيصه هنا ..

(المهارات السبع للنجاح,,,,كتاب رائع ,,,لخصته لكم)المهارات السبع للنجاح,,,,كتاب رائع ,,,لخصته لكم

تحياتي

أفكارك إبداعية يا أخت نهلة
أنا أقرأ يوميا وأغلب قراءاتي دينية تاريخية تعنى بديننا الحنيف
وأبكي على حالنا اليوم حين أقرأ .........أقرأ وأقارن فأبكي
قرأت لك البدايو والنهاية لابن كثير ...............موسوعة

فكرة رائعة ومفيدة

اختنا نهلة

انتِ هكذا تعودين بنا الى " إقرأ "
التي هجرناها واصبحنا نشاهد فقط

وليتنا نشاهد ونتابع النافع
بل
لا نشاهد ولا نتابع الا الغث


واؤيد اخي الذي رشح لنا كتاب الروح والجسد لمصطفى محمود

فهو كتاب جدير بالقراءة
وجدير بالتعرف على فكر الرجل من حيث مفهوم السعادة
وهي حين ينطلق الانسان بعيدا عن ماديات جسده
وبعيدا عن قانون الطين المادي الذ تنحبس فيه اجساد العباد

ثم هو يفصل الفرق بين الروح والجسد
باسلوب راقٍ و رائق

-------------------------------------

اخي محمد
رائع ايضا انت

فلقد قرأت لنا
ثم
لخصت
ثم
طرحت

حقيقة انت كبير بعطاءاتك للجميع

شكرا لك

هذا هو أسم الكتاب "كتاب مالوش أسم" و ستكتشف فى النهاية لماذا أختار أحمد العسيلى (المذيع فى الراديو و التليفزيون و كاتب الكتاب) أن يكون الكتاب "مالوش أسم"
الكتاب بالنسبالى "حالة" فريدة من الكتابة.... فهو ليس رواية و لا هو سرد للواقع ... هو كما جاء على لسان الكاتب:

"كثيرة هى علامات الإستفهام فى الدنيا... و نادرة جدا ً الإجابات.... و الكتاب دة مش هيبقى فيه إجابات و لا حاجة ، و حتى لو هيبقى فيه ، هو مش مقصود منه الإجابات، المقصود الأفكار و الأسئلة فقط.....
و مش هيبقى فيه يقين... حيرة بس....
اليقين الحمد لله عندنا على قفا مين يشيل، بس هنا مش حتلاقوا ... أتمنى أنكو ما تلاقوش"

يبتدى الكتاب بصفحة فاضية فيها جملتين:

الأفكار حّرة حرية مطلقة..
الأفعال فقط هى المحدودة..

و الصفحة التالية لها فاضية أيضا و بها هذا الإهداء:

"أهدى هذا الكتاب الى الثلاثينيات من عمرى ، حيث بدأت أرى الصورة أوضح كثيرا.
ليست واضحة بشكل كاف بعد، و لكنها أوضح كثيرا ً."

الكاتب اللى على طبيعته جدا ً ، بيكتب كل حاجة على طبيعتها جدا.... كتب أن القارئ سيواجهه مشكلة فى قرائة الكتاب ، لانه مزيج من العامية على الفصحى ، و أن الكتابة بالطريقة دى أسهل من الكتابة بطريقة واحدة....
الكتب ملئ بالتجارب الشخصية و الأحلام الشخصية لأحمد العسيلى ، مما يعطيه جانب إنسانى و نفسى قريب للقلب...
حكى لنا عن حلم يقظة كان بيجيله كتير و هو صغير:

"قال خير اللهم أجعله خير، طالع أنا فى التليفزيون بَقول نظريات و أفكار و رأيي فى كل حاجة فى الدنيا، و المذيعة الحلوة منبهرة جدا بكل كلمة بأقولها. و قاعد أن منجعص بثقة فى الكرسى بتاعى و مكتوب تحت صورتى بالبنط العريض ((المفكر الكبير: أحمد العسيلى)).
حلم غريب جدا طبعا.هى دى شغلانة يحلم بيها طفل دى؟؟ المفكر الكبير؟؟ بس الحمد لله.. جزء من النبوءة تحقق. بَطْلَع فى التليفزيون و فى الراديو و بكتب مقالات و كمان بكتب كتاب اهه..بس الأهم لأنه السبب فى كل ده... إنى على طول بفكر...بفكر...بفكر.. "

يتكون الكتب من فصول كتيرة صغيرة تتناول مواضيع هامة و قيمة ، و العنواين عبارة عن كلمات فردية أو أسئلة مثل :

الله – أوعوا حد يفكر لوحدة - الأديان – خداع البصر – ليه بنصلى ؟ – ليه الناس مش زى بعضها؟ – إزاى الناس زى بعضها ؟ - الموت – الحيرة – الضمير – النّفْس – الإستسلام – الوقت – السعادة – الصبر – الدعا – الحب – كل حاجة صعبة – الموهبة – الشجاعة – إنت مين ؟ عندك كام سنة؟ - يقولوا عليا أيه؟؟

كل المواضيع الحقيقة تحمل طابع عميق و سهل و فى نفس الوقت يدعوا للتفكير و التأمل....

و الهدف الأخير من الكتب هو التفكير...و الوصول لفهم و وعى أكبر للأمور من حوالينا... و لو ما فهمناش دلوقتى... يبقى أكير أكيد هنفهم حته حته... طول ما أحنا بنفكر... لان ربنا أدالنا العقل علشان نفكر بيه...

يا رب نفضل نفكر و نفهم أكتر طول عمرنا...

شكرا

نادين قرأت لك.....
رواية ثورة2053 - البداية

المشاركة الأصلية كتبت بواسطة nadonido

رواية جميلة لمحمود عثمان تقرأ مستقبل المصريين
أدعوكم لقراءتها.
بها العديد من المواضيع التى تدعوا للتفكير و منها هذا الموضوع

لقراءة أجزاء اختارتها لنا نادين .... و مناقشة الروايه تفضلوا في هذا الرابط

http://www.tamecom1.com/vb/t1556.html (أجزاء من رواية: ثورة 2053 – ( البداية و البداية مرة أخرى))

قرأت لك....
صيد الخاطر

مقدمة الإمام ابن الجوزي
قال الشيخ الإمام العالم أبو الفرج عبد الرحمن بن علي بن محمد بن الجوزي رحمه الله عليه
الحمد لله حمدا يبلغ رضاه... و صلي الله علي أشرف من اجتباه ... و علي من صاحبه وولااه ...و سلم تسليما لا يدرك منتهاه.

و لما كانت الخواطر تجول في تصفح أشياء تَعرِض لها ... ثم تُعرِض عنها فتذهب ... كان أولي الأمور حفظ ما يخطُر لكيلا يُنسي
و كم خطر لي شئ فأتشاغل عن إثباته فيذهب ..فاتأسف عليه ... و رأيت من نفسي أنني كلما فتحت بصر التفكر ..سنح لي من عجائب الغيب...ما لم يكن في حساب ..فأنثال عليه من كثيب التفهيم ما لا يجوز التفريط فيه ...فجعلت هذا الكتاب قيدا - لصيد الخاطر- و الله ولي النفع إنه قريب مجيب.

والحمد لله ان قيد لنا هذا الشيخ الجليل ما جال بخاطره ... فهو حقا صيد رائع ... ادعوكم لقراءة بعض خواطره

تفضلوا في هذا الرابط
http://www.tamecom1.com/vb/t1436.html (من صيد الخاطر)

المشاركة الأصلية كتبت بواسطة nadonido

هذا هو أسم الكتاب "كتاب مالوش أسم" و ستكتشف فى النهاية لماذا أختار أحمد العسيلى (المذيع فى الراديو و التليفزيون و كاتب الكتاب) أن يكون الكتاب "مالوش أسم"
الكتاب بالنسبالى "حالة" فريدة من الكتابة.... فهو ليس رواية و لا هو سرد للواقع ... هو كما جاء على لسان الكاتب:


يبتدى الكتاب بصفحة فاضية فيها جملتين:




و الصفحة التالية لها فاضية أيضا و بها هذا الإهداء:




الكاتب اللى على طبيعته جدا ً ، بيكتب كل حاجة على طبيعتها جدا.... كتب أن القارئ سيواجهه مشكلة فى قرائة الكتاب ، لانه مزيج من العامية على الفصحى ، و أن الكتابة بالطريقة دى أسهل من الكتابة بطريقة واحدة....
الكتب ملئ بالتجارب الشخصية و الأحلام الشخصية لأحمد العسيلى ، مما يعطيه جانب إنسانى و نفسى قريب للقلب...
حكى لنا عن حلم يقظة كان بيجيله كتير و هو صغير:



يتكون الكتب من فصول كتيرة صغيرة تتناول مواضيع هامة و قيمة ، و العنواين عبارة عن كلمات فردية أو أسئلة مثل :

الله – أوعوا حد يفكر لوحدة - الأديان – خداع البصر – ليه بنصلى ؟ – ليه الناس مش زى بعضها؟ – إزاى الناس زى بعضها ؟ - الموت – الحيرة – الضمير – النّفْس – الإستسلام – الوقت – السعادة – الصبر – الدعا – الحب – كل حاجة صعبة – الموهبة – الشجاعة – إنت مين ؟ عندك كام سنة؟ - يقولوا عليا أيه؟؟

كل المواضيع الحقيقة تحمل طابع عميق و سهل و فى نفس الوقت يدعوا للتفكير و التأمل....

و الهدف الأخير من الكتب هو التفكير...و الوصول لفهم و وعى أكبر للأمور من حوالينا... و لو ما فهمناش دلوقتى... يبقى أكير أكيد هنفهم حته حته... طول ما أحنا بنفكر... لان ربنا أدالنا العقل علشان نفكر بيه...

يا رب نفضل نفكر و نفهم أكتر طول عمرنا...

شكرا

انا بحب قوى احمد العسيلى شخصية لذيذة وبيناقش مشاكل الى بتحصل بشكل طريف و لذيذ وهحاول اجيب الكتاب دة واقراة شكرا يا نادين لتعبك الكبير ومجهودك

مجهود رائع

استفدت كثيرا من اطروحاتكم

جعله الله في موازين حسناتكم بكل خير

قرأت كتب كتيرة لكن أجملهم

-رياض الصالحين من كلام سيد المرسلين
- فقه المرأة المسلمة
-صفات الرجل الصالح
- ومن أجمل الكتب
"محمد نبى الأسلام فى التوراة والأنجيل والقران" للمستشار : محمد عزت الطهطاوى

_____________________________

-ليلة الزفاف
-30 قصه حب واقعيه
- حب تحت المطر

___________________

كتاب اسمه أشعار الحب عند الفراعنة قرأته أكتر من مرة فى مكتبة الأسكندرية وصورت منه أجزاء لكن للأسف مش موجود فى أى مكتبه علشان أشترية

وجميع كتب الأثار بالنسبالى من أجمل ما قرأت وعدد هذه الكتب كتير جداااااااااااااااااااااااااااااااااااااااااااااااا اااااااااااااااااااااااا وأغلبيتهم عندى وكتاب "اللغة المصرية القديمة "فى المنزلة الأولى بالنسبالى هذا الكتاب يسهل للمرشد السياحى قرأت جداريات المقابر والمعابد وجميع الأثار ويعرفه أصل تسميه محافظات مصر وأصل اسم مصر و,,,,,,,,,,,,,,,,,,,,,,,,,,

تسلمى يا وزيرتنا الرائعة على الافكار القوية

شكرا لكم جميعا علي ما أثريتم به الموضوع من مشاركات و مداخلات و اقتراحات

اتمني أن تتابع مشاركتكم بما قرأتم لنا ...

و إن شاء الله سيتم طرح مناقشة لأكثر الكتب قراءة و ما أعجبكم فيها في مواضيع منفصلة نضع رابطها هنا

من المشاركات السابقة
أكثر الكتب هي
لا تحزن للشيخ عائض القرني
الروح و الجسد للدكتور مصطفي محمود

نواصل إن شاءالله

المشاركة الأصلية كتبت بواسطة نهله

شكرا لكم جميعا علي ما أثريتم به الموضوع من مشاركات و مداخلات و اقتراحات

اتمني أن تتابع مشاركتكم بما قرأتم لنا ...

و إن شاء الله سيتم طرح مناقشة لأكثر الكتب قراءة و ما أعجبكم فيها في مواضيع منفصلة نضع رابطها هنا

من المشاركات السابقة
أكثر الكتب هي
لا تحزن للشيخ عائض القرني
الروح و الجسد للدكتور مصطفي محمود

نواصل إن شاءالله

ماشاء الله يانهلة بجد افكارك ممتازة ليس لها مثيل تستهللى عن كل مشاركة وسام
انا فى أشتياق للأطلاع والقراءة للدكتور مصطفى محمود

قبلاتى مرة تانية
تحياتى

المشاركة الأصلية كتبت بواسطة nadonido

لما نادين تقول لازم تقرأوه ... و عشان انا عادة بسمع الكلام طبعا جبت الكتاب ...

بصراحة الكتاب باللغة العامية افقده كتتتير من قيمته ... أفكاره في الكتاب غالبا كلنا بنفكر فيها يمكن نتفق معاه في حاجات و نختلف في حاجات تانية ... حاجات نشوفها زيي ما هو شايفاها و حاجات تانية لاء ... لكن الكتاب يخليك تفتكر انك في يوم فكرت في نفس الفكرة دي.... أو يخليك تحب تفكر في فكرة تانية لكن بطريقتك ....و علي فكرة ممكن تلاقوا في الكتاب مواضيع نقاشناها هنا في المنتدي ....
شكرا يا نادين

المشاركة الأصلية كتبت بواسطة دينا جابر

ماشاء الله يانهلة بجد افكارك ممتازة ليس لها مثيل تستهللى عن كل مشاركة وسام

انا فى أشتياق للأطلاع والقراءة للدكتور مصطفى محمود

قبلاتى مرة تانية
تحياتى

كل الشكر لك دينا علي تشجعيك ... حقيقي والله بتسعدني جدا كلماتك الرقيقة
و عشان خاطرك إن شاء الله سنبدأ قريبا بموضوع للدكتور مصطفي محمود

و بالمناسبة ما شاء الله عليكي واضح ان عندك موسوعة تاريخية كبييييييييرة ....

قرأت لك ....

أزمة رجالة

الكاتب .... ايهاب عبد السلام

هانقل لكم جزء من مقدمة الناشر د خالد العامري

" لا تقل سعادة الناشر عن سعادة الكاتب عند صدور كتاب قيم , يعالج مشكلة من مشاكلنا الكبيرة , خاصة إذا كان الكاتب يتسم بالموضوعيه و العمق و الصدق ... و قبل كل هذا الرغبة الصادقة في النهوض بوطننا الحبيب و الخروج به سالما من كل الأزمات التي تثقل كاهله .... فكثيرة هي الأزمات التي نعاني منها , لكنها تهون أمام أزمة من نوع جديد لم نعرفها من قبل و لم نكتو بنارها في سالف الزمان.... الأزمة هذه المرة أزمة رجالة ....
هذه الأزمة لم يلتفت إليها أحد من قبل , لم نسمع احدا ذكرها ضمن قائمة الأزمات التي نعاني منها ... علي الرغم من كونها أشد الأزمات , و ربما تكون هي السبب في باقي الأزمات و ليست النتيجة....
هذه الأزمة رصد ملامحها الأستاذ إيهاب عبد السلام كما حدد أسبابها و طرح رؤيته في نهايه الكتاب لكيفية الخروج منها ..."
_________________________________________________

بالرغم من إن الكاتب استعرض ملامح الأزمة و أسبابها و طرق علاجها ... لكن الموضوع اكبر من كده بكتيييييييييير و محتاج جهود حتي ننقذ ما يمكن إنقاذه .... و محتاج اراء علماء و تربيون و تعليم الأباء و الأمهات كيف يربوا أطفالهم كي يكونوا رجالا ....

المشاركة الأصلية كتبت بواسطة سميرة

انا بحب قوى احمد العسيلى شخصية لذيذة وبيناقش مشاكل الى بتحصل بشكل طريف و لذيذ وهحاول اجيب الكتاب دة واقراة شكرا يا نادين لتعبك الكبير ومجهودك

يا رب تكونى قرأتيه يا سميرة

نهلة سبقتك

المشاركة الأصلية كتبت بواسطة نهله

لما نادين تقول لازم تقرأوه ... و عشان انا عادة بسمع الكلام طبعا جبت الكتاب ...

بصراحة الكتاب باللغة العامية افقده كتتتير من قيمته ... أفكاره في الكتاب غالبا كلنا بنفكر فيها يمكن نتفق معاه في حاجات و نختلف في حاجات تانية ... حاجات نشوفها زيي ما هو شايفاها و حاجات تانية لاء ... لكن الكتاب يخليك تفتكر انك في يوم فكرت في نفس الفكرة دي.... أو يخليك تحب تفكر في فكرة تانية لكن بطريقتك ....و علي فكرة ممكن تلاقوا في الكتاب مواضيع نقاشناها هنا في المنتدي ....
شكرا يا نادين

يا سيدى

سمعتى الكلام بسرعة يا نهلة



فعلا مش هدف الكتاب هو موافقه رأيه أو معارضته ، و لكن الهدف الحقيقى لأى كاتب و كتاب هو طرح تساؤلات خاصه بنا نحن...

و فعلا الطريقة العاميه ممكن تكون ما ريحتش ناس كتييييير

شكرا يا نهلة على مشاركتك