الموضوع: ضيفتنا لهذا الأسبوع الوزيرة المُتألقه نهله أهلاً وسهلاً بها

المشاركة الأصلية كتبت بواسطة nadonido

طبعا لقاء جميل ، مع شخصية جميلة و جدعة ( عن تجربة شخصية )

و عايزة أعرف منك ، أيه اكتر موقف " غريب " تعرضتى ليه، و إذاى أتصرفتى... (إزاى كنتى جدعة )

و للأسئلة بقية

شكرا جدا يا نادين علي كلامك الحلو دا ... حقيقي انا اللي سعيدة بالتعرف عليكي

لكن صعب إني احكي موقف معين .... و بعدين مش جدعة و لا حاجة الحكاية كلها إني اتعودت ان اعتمد علي نفسي ... و بعدين ايه الأسئلة الصعبة دي .... خليكي انت جدعة و هاتي اسئلة اسهل شوية .... من ساعة من قريت السؤال و انا بفكر في إجابة

اولا الله يسامحك (ام ندى)جوعتينا فى الصيام دة...(انتى كنتى فين من زمان...نهله حظها حلو.!!)
ثانيا طبعا انا مليش ذنب فى اسئله ابن جامع
ليه بقى؟
لان هوه اللى ابتدأ وسألنى الاسئله دى لو تفتكرى
فانا ردتهالو بس
ورحمته من المرحله الثالثة وانتى عارفه بقى

ثالثا طبعا المفروض اسألك ولما لقيت الاسئله كتير امبارح قلت استنى شوية
وبما انك اتسألت معظم الاسئلة (المعتادة) فجيه فبالى
اسألك عن
انطباعك ايه عن الصعيد واهله؟
استنى
متستعجليش فى الرد
عاوز اجابه مفصله(وغير تقليديه)
(مينفعش تقوليلى ناس طيبيبن ومش عارف ايه...... وكلمتين ورد غطاهم)
ويا ريت توضحى سبب الانطباع دة
هل من خلال معايشات لاشخاص من الصعيد (معرفه حقيقية)
ولا من خلال زيارات فعليه للصعيد
او لا قدر الله من خلال الاعلام
(وبالذات المسلسلات)
وخصوصا اعمال الكاتب القدير (محمد صفاءعامر)
الذى اراه نجح وباقتدار وخصوصا فى اعماله الاخيرة
فى تشويه صورة الصعيد
واعطاء صورة لا علاقة لها بالواقع عن الصعيد
من اجل المزيد من الاثارة والحبكة الدرامية
(رغم عدم منطقية بعض الاحداث من الاصل)
متنسيش رد مفصل.!!

المشاركة الأصلية كتبت بواسطة ابن جامع ابي حامد

س/هل تتابعين مسلسل باب الحاره؟

قولي اشمعني باب الحارة و انا اجاوبك

بس كنت عايزا اعرف اشمعني
مش بتفرج عليه
بس افتكر في ناس كتير بتشكر فيه

المشاركة الأصلية كتبت بواسطة ابن جامع ابي حامد

شفتي كرم وضيافة ام ندى
شو عايزه كمان؟
نحنه ما علمونا كده!
يلا ارتاحي شوي ...
وطبعا لازم تكون هناك علاقة طرديه مع حسن الضيافه والاسئله ..فلما تزيد دي التانيه لازم تزيد..

فبما ان الضيافه حلوه والاكل كتير ما شاء الله فاكيد لازم الاسئله تكون حلوه وكتيره

بصراحة شفت الأسئلة الصبح و اتخضيت منها

و شفت العصير و الواحد صايم
لاقيت انها عايزا تركيز و روقان عشان اعرف اجاوب
فقلت خليها بعد الفطار

المشاركة الأصلية كتبت بواسطة ابن جامع ابي حامد

يلا يا بنت الاسلام لا تقصري مع الضيفه

و الله ما قصرت بنت الإسلام انا راضية

المشاركة الأصلية كتبت بواسطة ابن جامع ابي حامد

فاصل ونعود..

المشاركة الأصلية كتبت بواسطة ابن جامع ابي حامد

ابقو معنا

يا جماعه اللي ورا حاجة يقوم يعملها انا مش ضيفة و الله

المشاركة الأصلية كتبت بواسطة أم ندى 90

مرحبا بكِ أختي نهلة

على كرسي الإعتراف
اتفضلي ارتاحي وخدي ضيافتك قبل ما أسألك

صحيح إحنا صائمين بس

أسمحي لي أقدم لك ضيافة تليق
بمقامك الغالي
تمتعي بمذاقها بعد الفطار

شكرا جدا أختي الفاضلة أم ندي علي حسن استقبالك

في الحقيقة انا أستنيت لبعد الفطار عشان أجاوب و اعرف اشرب العصير المغري دا ... مش عشان الأسئلة رعبتني و لا حاجة

[quote=أم ندى 90;15278]من يعجبك من الشعراء .....؟أجمل قصيده سمعتها...؟؟/quote]

لا أتابع شعر و لا شعراء

و بالتالي مش هاعرف أقول ايه هي أجمل قصيدة

لكن بيستوقفني ابيات شعر و بحب اجمعها

بحب جدا اقرأ كلمات سيدنا علي ابن ابي طالب

المشاركة الأصلية كتبت بواسطة أم ندى 90

لكل إنسان منا خطوط حمراء ..

المشاركة الأصلية كتبت بواسطة أم ندى 90

فماهي الخطوط الحمراء عند ك والتي لاتسمحي بتجاوزها

معايا الناس هي اللي بتحطها مش انا اللي بحطها و دا بيريحني كتيييييييييير

المشاركة الأصلية كتبت بواسطة أم ندى 90

إذا استعرضنا معـــــًا أجمل محطاتك في :الطفولة ، الدراسة

المشاركة الأصلية كتبت بواسطة أم ندى 90

فماذا سنجد في جعبتكِ من مواقف لم تزل قائمة في الذاكرة؟؟

في الطفولة افتكر اني كنت بتوه منهم كتيييييير .... كنت طفلة روقان و توهان...

في الدراسة كتييييييييييير أوي

يمكن عشان مراحل الدراسة عندي كتييير و في أماكن مختلفة و طبيعة الدراسة العملية بتخلي في مواقف لا تنسي .... و أماكن أثرت فيا و غيرت فيا

المشاركة الأصلية كتبت بواسطة أم ندى 90

ماذا تعني لك :

المشاركة الأصلية كتبت بواسطة أم ندى 90

دمعه الطفل

دمعة المرأة
دمعة الرجل

دمعه الطفل

قمة البراءة و الصدق

دمعة المرأة
علي حسب شخصية المرأة ممكن تحدد نوع بكائها
دموع المرأة مختلطة
دمعة الرجل
أعز و أصدق من دمعة المرأة

المشاركة الأصلية كتبت بواسطة أم ندى 90

من هو الصديق المخلص الوفي برأيك؟

هو من لا توجد فيه صفات لا أقيس بها درجة الصديق فقط ... و لكن كل العلاقات ... و حتي براجع بها نفسي

حديث الرسول عليه الصلاةو السلام عن ايه النفاق

إذا حدث كذب

أذا وعد أخلف
إذا خاصم فجر
إذا اؤتمن خان

الكذب مش في الحكايات بس ... ممكن تكون النصيحة كاذبة

الأمانة مش أمانه فلوس بس ..... دي أمانه أسرار و أمانه مشاعر
الخصام ...... لا يمنع أن يقف الصديقين من بعضهم عند أحتياجهم لبعض لمجرد انه يوجد خلاف بينهم
الوعد ..... فلا تثقي في كلامه و لا تستطيعي الإعتماد عليه

المشاركة الأصلية كتبت بواسطة أم ندى 90

ما هي مقومات السعاده بالنسبه لك؟

لا توجد مقومات للسعادة ... غير إن السعادة نسبية ... لكن اهم حاجة فيها هو التوقيت

مثلا كام مرة بنشرب مية في اليوم لكن لما بنشربها و أحنا عطشانين أوي بيكون احساسنا بها مختلف .... رغم انها مية
المهم حدوث الحدث في التوقيت اللي انت محتاجة و مع ازدياد الحاجة بتكبرالسعادة

المشاركة الأصلية كتبت بواسطة أم ندى 90

آيه قرآنية تجعليها دائماً نصب عينيك ؟

بسم الله الرحمن الرحيم " ما أصاب من مصيبة في الأرض و لا في أنفسكم إلا في كتاب من قبل أن نبرأها إن ذلك علي الله يسير , لكيلا تأسوا علي ما فاتكم و لا تفرحوا بما آتاكم و الله لا يحب كل مختال فخور

المشاركة الأصلية كتبت بواسطة أم ندى 90

لمن تلجئي عندما تجد ي نفسك تائهة؟؟

لصاحب الأمر ...لله رب العالمين

المشاركة الأصلية كتبت بواسطة أم ندى 90

من خلال نظرتكِ لنفسكِ...هل تستطيعين ان تحكمي على نفسكِ أنك تملكين قلب كبير؟

صعب أن يحكم الإنسان علي نفسه في هذا الأمر ... دي حاجة يشعر بها من حوله

المشاركة الأصلية كتبت بواسطة أم ندى 90

حكمة تتخذيها شعار لحياتك ؟

لا يصح إلا الصحيح

المشاركة الأصلية كتبت بواسطة أم ندى 90

في نظركِ أجمل مافي الحياه ؟ وأقبح مافيها ؟

حاولت افكر في إجابة معرفتش ... يمكن عشان مش بشوف أي حاجة مطلقة يعني مفيش حاجة أجمل و حاجة أقبح

المشاركة الأصلية كتبت بواسطة أم ندى 90

سمه تعتزي بها كثيرا في شخصيتكِ ؟

صريحة جدا مع نفسي

المشاركة الأصلية كتبت بواسطة أم ندى 90

هروب الكلمات من مخيلتكِ عندما تكوني في أمس الحاجة لها كيف تعالجيه؟

دي حالة مزمنة عندي .... لو تعرفي ليها علاج قوليلي عليه

المشاركة الأصلية كتبت بواسطة أم ندى 90

ماذا تكــتبـــــي ....تحت هذه الصــــــــــوره؟

شكرا جدا أم ندي علي حسن ضيافتك

استمتعت بالإجابة علي الأسئلة رغم صعوبتها

اهلا وسهلا بيكى واضح انك اتعصرتى فى الاساله بس ما حبيت اثقل عليكى

المشاركة الأصلية كتبت بواسطة عبد الحميد

اهلا وسهلا بيكى واضح انك اتعصرتى فى الاساله بس ما حبيت اثقل عليكى

الله يخليك .... و اهلا و سهلا بيك أخي الفاضل عبد الحميد ... اخيرا في حد حس اني اتعصرت اسئلة الحمد لله

[quote=ابن جامع ابي حامد;15295]

..
شفتي كرم وضيافة ام ندى
شو عايزه كمان؟
نحنه ما علمونا كده!
يلا ارتاحي شوي ...
وطبعا لازم تكون هناك علاقة طرديه مع حسن الضيافه والاسئله ..فلما تزيد دي التانيه لازم تزيد..
فبما ان الضيافه حلوه والاكل كتير ما شاء الله فاكيد لازم الاسئله تكون حلوه وكتيره

أشكر لك أخي هذا اللطف.. وضيافتك محفوظة
جزاك الله خيراً
وأهل العراق هم أهل الكرم

[quote=نهله;15332]

ضيفتنا الغالية ..

وأعتذر عن صعوبة الأسئلة ولكني شرُفت بالمشاركة في ضيافتك

إحساسي بك أنك إنسانة جادة
تعاملك محسوب بحدود لا تتجاوزيها
ولا تسمحي لغيرك بتجاوزها
وصادقة مع نفسك.
أسأل الله لكِ التوفيق والسداد

وإليكِ هدية صلح بعد مجهود الإجابة..

تقبلي مودتي

لم استمتع بلقاء مثل هذا اللقاء ....و هذا ما يجعلني سعيدا بقراري (الدستوري) بمنح نهلة المقعد الخامس عشر من مقاعد ضيوف المملكة ... و لعلي سأقف في وجه هيئة الرئاسه لتأجيل انتخاب الضيف السادس عشر اطول فتره ممكنه ... لنمنح الاعضاء متعة هذا الحوار الراقي و الرائع ... و الذي لا يخلو من ثقافه و طرافه

الوزيره المبدعه نهله ... اعلم انك مهتمه بالتعمق في الفكر الديني و خصوصا العقيده ... فاولا الي اين وصلتي ؟ ... و هل لمستي تأثير مباشر علي حكمك علي المسائل الدينيه بعض فتره من التعمق ؟ ... و ما تعليقك علي كثرة برامج الفتاوي الدينيه ؟ ... هل هي صحيه ام لا ؟

الف مبرووووك على الفوز
احب اسال ما هى المواصفات اللى تحبى ان تكون فى شريك حياتك

[quote=أم ندى 90;15343]

المشاركة الأصلية كتبت بواسطة نهله

وأعتذر عن صعوبة الأسئلة ولكني شرُفت بالمشاركة في ضيافتك

إحساسي بك أنك إنسانة جادة
تعاملك محسوب بحدود لا تتجاوزيها
ولا تسمحي لغيرك بتجاوزها
وصادقة مع نفسك.
أسأل الله لكِ التوفيق والسداد

وإليكِ هدية صلح بعد مجهود الإجابة..

تقبلي مودتي

حقيقي بأه انا الي مبسوطة جدا بتشرفيك لي و بأسئلتك و عاجبني اسلوبك ينم عن ذوق راقي جدا
و سعيدة جدا بوجودك في المملكة
لك كل الشكر و التقدير

المشاركة الأصلية كتبت بواسطة احمد

اولا الله يسامحك (ام ندى)جوعتينا فى الصيام دة...(انتى كنتى فين من زمان...نهله حظها حلو.!!)

ثانيا طبعا انا مليش ذنب فى اسئله ابن جامع
ليه بقى؟
لان هوه اللى ابتدأ وسألنى الاسئله دى لو تفتكرى
فانا ردتهالو بس
ورحمته من المرحله الثالثة وانتى عارفه بقى

ثالثا طبعا المفروض اسألك ولما لقيت الاسئله كتير امبارح قلت استنى شوية
وبما انك اتسألت معظم الاسئلة (المعتادة) فجيه فبالى
اسألك عن
انطباعك ايه عن الصعيد واهله؟
استنى
متستعجليش فى الرد
عاوز اجابه مفصله(وغير تقليديه)
(مينفعش تقوليلى ناس طيبيبن ومش عارف ايه...... وكلمتين ورد غطاهم)
ويا ريت توضحى سبب الانطباع دة
هل من خلال معايشات لاشخاص من الصعيد (معرفه حقيقية)
ولا من خلال زيارات فعليه للصعيد
او لا قدر الله من خلال الاعلام
(وبالذات المسلسلات)
وخصوصا اعمال الكاتب القدير (محمد صفاءعامر)
الذى اراه نجح وباقتدار وخصوصا فى اعماله الاخيرة
فى تشويه صورة الصعيد
واعطاء صورة لا علاقة لها بالواقع عن الصعيد
من اجل المزيد من الاثارة والحبكة الدرامية
(رغم عدم منطقية بعض الاحداث من الاصل)
متنسيش رد مفصل.!!

الصعـــــــــــــــــــــــــــــــــــيد
أحسن ناس
عارفة انك عايز بالتفصيل
اليكم الأسباب بالتفصيل
أولا بجد و بدون مجاملات الصعايدة أصحاب أصول الطباع العربية من شهامة و نخوة و عزة نفس و كرم و وقفة الرجالة و قد كلمتهم
اغلب الصعيد من أصول من الجزيرة العربية عشان كدا الصفات دي موجودة فيهم
اللي بيجي في المسلسلات من أن الصعيد يخوف وماشيين بمسدسات و اللي ميعجبهومش يتاووه في الجبل ... و الكلام الفاضي دا ... حتي اللهجة و الأصوات الغريبة اللي بيتكلموا بها دي مش عارفة عشان يبقي صعيدي لازم يحشرج في صوته ... بيحاولوا يعملوا فيها رجالة

و الناس هناك ماشي شاليه سلاح ... هو وجود سلاح مهم جدا بالنسبة لهم لكن مش بالصورة دي ...
الصورة بأه اللي بتطلع ان الرجالة مفتريين و الستات يا حرام مساكين .... غلط تماما ... المرأة تُقدر هناك أحسن تقدير و تُعزز كما يجب ... لأن أي أهانه لها تعتبر إهانه له شخصيا و هو ما لا يقبله الرجل الصعيدي علي نفسه قبل ما يكون عليها ....يعني ممكن الحمأه دي مش عشانها اساسا
الصفات دي مش في الصعيد و بس... طبعا هي في العرب كلهم مش المصريين بس ... بس الدرجات تتفاوت ....
الصعيد غير متخلف و لا أهله دماغهم زيي ما الناس متصورة ... الحكايه إنه لو إقتنع بحاجة صعب جدا أنه يغيرها ..اللي بيدخل دماغه مابيخرجش
الدينا مش ضلمة هناك ... الحياه عادية جدا زيي أي مكان في مصر ... لكن التحفظ أكتر
طبعا الكلام من واقع و معايشه و اكتر بكتيرأوي كمان
مش من المسلسلات لا سمح الله
دا اللي جاي في دماغي

و احب اسمع منك رأيك يا بشمهندس؟؟؟

لوكنتِ مرآة نفسكِ فكيف ترين نهله؟

المشاركة الأصلية كتبت بواسطة نهله

الصعـــــــــــــــــــــــــــــــــــيد
أحسن ناس
عارفة انك عايز بالتفصيل
اليكم الأسباب بالتفصيل
أولا بجد و بدون مجاملات الصعايدة أصحاب أصول الطباع العربية من شهامة و نخوة و عزة نفس و كرم و وقفة الرجالة و قد كلمتهم
اغلب الصعيد من أصول من الجزيرة العربية عشان كدا الصفات دي موجودة فيهم
اللي بيجي في المسلسلات من أن الصعيد يخوف وماشيين بمسدسات و اللي ميعجبهومش يتاووه في الجبل ... و الكلام الفاضي دا ... حتي اللهجة و الأصوات الغريبة اللي بيتكلموا بها دي مش عارفة عشان يبقي صعيدي لازم يحشرج في صوته ... بيحاولوا يعملوا فيها رجالة

و الناس هناك ماشي شاليه سلاح ... هو وجود سلاح مهم جدا بالنسبة لهم لكن مش بالصورة دي ...
الصورة بأه اللي بتطلع ان الرجالة مفتريين و الستات يا حرام مساكين .... غلط تماما ... المرأة تُقدر هناك أحسن تقدير و تُعزز كما يجب ... لأن أي أهانه لها تعتبر إهانه له شخصيا و هو ما لا يقبله الرجل الصعيدي علي نفسه قبل ما يكون عليها ....يعني ممكن الحمأه دي مش عشانها اساسا
الصفات دي مش في الصعيد و بس... طبعا هي في العرب كلهم مش المصريين بس ... بس الدرجات تتفاوت ....
الصعيد غير متخلف و لا أهله دماغهم زيي ما الناس متصورة ... الحكايه إنه لو إقتنع بحاجة صعب جدا أنه يغيرها ..اللي بيدخل دماغه مابيخرجش
الدينا مش ضلمة هناك ... الحياه عادية جدا زيي أي مكان في مصر ... لكن التحفظ أكتر
طبعا الكلام من واقع و معايشه و اكتر بكتيرأوي كمان
مش من المسلسلات لا سمح الله
دا اللي جاي في دماغي

و احب اسمع منك رأيك يا بشمهندس؟؟؟

والله يا دكتورة مش عارف القولك ايه
خلصتى كل الكلام
بارك الله فيكى على الكلام دة كله
ومتهيئلى معنديش اضافه ممكن اضيفها اكتر من كدة
همه صحيح الصعايدة دماغهم ناشفه شويه (مقارنه بغيرهم )
بس زى مقلتى ناس زى كل الناس والصورة اللى بتصورها بعض المسلسلات فيها مغالطات وعدم منطقيه وواقعيه
الطبيعى ان يكون هناك اختلاف فى اللهجات وطريقة الكلام والمعيشة والعادات بل ان هذة الاختلافات احيانا تكون موجودة ما بين قرية من قرى الصعيد وقرية اخرى تجاورها
بس عامة الناس قريبة من بعضها جدا وخصوصا فى القرى
ودة احيانا بيكون ميزة ..!!
واحيانا العكس تماما..!!
نمط الحياة عامة ابطأ فى ايقاعه
واحيانا اسهل واريح
عكس الحياه فى العاصمة مثلا
سريعة ومتلاحقة ومفيش امان
ومكلفه ايضا بعكس الصعيد
والذى يعنى من مشاكل من نوع اخر....
جانب كبير منها مع الاسف متعلق بطريقة تفكير
بل وتصرف الكثيرون
باختصار (موضوع يطول شرحه) ولكن فى النهايه
لكل حياة مزايا وعيوب
وفى كل مجتمع من البشر( الكويس والوحش)
نشكرك يا دكتورة واطلنا عليكى
(ولسه هافكرلك فى اسئله ولا كفايه كدة؟؟)

المشاركة الأصلية كتبت بواسطة محمد

لم استمتع بلقاء مثل هذا اللقاء ....و هذا ما يجعلني سعيدا بقراري (الدستوري) بمنح نهلة المقعد الخامس عشر من مقاعد ضيوف المملكة ... و لعلي سأقف في وجه هيئة الرئاسه لتأجيل انتخاب الضيف السادس عشر اطول فتره ممكنه ... لنمنح الاعضاء متعة هذا الحوار الراقي و الرائع ... و الذي لا يخلو من ثقافه و طرافه

حقيقي مش عارفة اشكرك ازاي علي التكريم ده .... الذي لا استحقه و هو شرف لي كبيييير... و كمان سعيدة به جدا
لكن بيقولوا يا بخت من زار و خفف .... بلاش اتقل علي الأعضاء الكرام اكتر من كده ...

المشاركة الأصلية كتبت بواسطة محمد

الوزيره المبدعه نهله ... اعلم انك مهتمه بالتعمق في الفكر الديني و خصوصا العقيده ... فاولا الي اين وصلتي ؟ ... و هل لمستي تأثير مباشر علي حكمك علي المسائل الدينيه بعض فتره من التعمق ؟ ... و ما تعليقك علي كثرة برامج الفتاوي الدينيه ؟ ... هل هي صحيه ام لا ؟

دراسة العقيدة دراسة ممتعه و هامة جدا .... فهي أصل دينك هي دراسة عقيدتك ... ما تؤمن به
معرفة ربك ... و كيف تؤمن به ... حتي لا يكون إيماننا إيمان تقليد و لكن إيمان علم ... و الفرق بينهم هو ما يصل إلي القلب ... فالإيمان إيمان قلب.... فعندما تؤمن بالله عن علم فأنت تزداد يقين و ثبات ...
لم أصل في الدراسة حتي الآن لدرجات عاليه ... فكل ما أدرسه لا يخرج عن نطاق ما لا يسع المؤمن جهله... و أسأل الله أن يمن علي بالإستمرار ...
و أكيد الدراسة تجعل المسائل مختلفة ... حتي عن القراءة ... فهناك مقوله قالها لنا الشيخ ....
من يأخذ العلم عن شيخ مشافهه فهو عن الزيغ و التحريف في حرم .... ومن يأخذ العلم من صحف فعلمه عند أهل العلم العدم .... في البداية استغربت لهذه المقولة و لكن اقتنعت بها بعد كده جدا ... فمن الممكن أن تفهم الأمر بشكل خاطئ و خصوصا في الفقه هناك اسباب نزول و أمور علي القياس و علم له بحار كبيرة .... و هذا ما يجعل كثرة الفتاوي من غير أهل العلم لا يجب أن يؤخذ بها ... و إيضا جعلها عيانا يكثر من الفهم الخاطئ .... فقد تكون هناك مسأله فقهيه متشابهه مع اثنين ... قد يفتي فيها الشيخ بأمرين مختلفين ... فما يجوز للأول لا يجوز للثاني ... فالأمر أمر علم و له أهله .

و بالتالي كثرة برامج الفتاوي لا أفضلها .... لأن هناك أمور لن يفهم اسبابها العوام من الناس و تكثُر التساؤلات و اثارة البلبله لعدم الفهم ....

الله يكون فى عونك يا نهله

المشاركة الأصلية كتبت بواسطة جميله خليفه

احب اسال ما هى المواصفات اللى تحبى ان تكون فى شريك حياتك

اهلا جميلة ..

في الحقيقة معنديش كراسة مواصفات...
لكن ممكن أقولك الإجابة اللي جاوبتها في سؤال أم ندي عن الصديق الوفي ... فالأولي أن تكون في الزوج و الزوجة معا .
أن لا يكون:
اذا حدث كذب
إذا وعد أخلف
إذا خاصم فجر
إذا اؤتمن خان .... باعتبارها كلها امانه عنده .. فلا يسئ لها

المشاركة الأصلية كتبت بواسطة silentemotions

لوكنتِ مرآة نفسكِ فكيف ترين نهله؟

لو كنت مرآة نفسي .... سأراها مقصرة كثيرا و تقريبا في كل شئ ....

لكن سؤالك يا سيلنت هايخليني أسألك بعد إذنك ...
إيهما أفضل أن تكوني مرآه نفسك ... أو يكون لك مرآة أخري تراكي؟؟؟

المشاركة الأصلية كتبت بواسطة سميرة

الله يكون فى عونك يا نهله

إن شاء الله اشوفك قريب هنا سميرة
و هادعيلك برضه

بس تعرفي بأه نفسي في إعادة فتح ملفات كل ضيوف المملكة اللي سبقونا قبل كده و إعادة التحقيق معهم

المشاركة الأصلية كتبت بواسطة نهله

بس تعرفي بأه نفسي في إعادة فتح ملفات كل ضيوف المملكة اللي سبقونا قبل كده و إعادة التحقيق معهم

ااااااااااااه
قويه دي
شو قصدك !!!
بس انا لسه ما شوفتك حاجه
سؤال:انتي بتدرسي عقيده في الجامعات الاسلاميه وله في الحلقات القرانيه في المساجد؟

المشاركة الأصلية كتبت بواسطة ابن جامع ابي حامد

ااااااااااااه

قويه دي
شو قصدك !!!
بس انا لسه ما شوفتك حاجه

مقصدتش حاجة ... انا اقدر اقصد برضه اللي جه في بالك
بس يعني ايه
بس انا لسه ما شوفتك حاجه؟؟؟

المشاركة الأصلية كتبت بواسطة ابن جامع ابي حامد

انتي بتدرسي عقيده في الجامعات الاسلاميه وله في الحلقات القرانيه في المساجد؟

مش في جامعه إسلامية و لا حلقات في مساجد.... هو مكان دراسه و لكنه ليس مسجد ... كان فضيلة الشيخ محمد المسير من يدرس لنا العقيدة_ رحمه الله- و هو من مشايخ الأزهر الكبار ... جزاه الله عنا كل خير

المشاركة الأصلية كتبت بواسطة نهله

بس يعني ايه
بس انا لسه ما شوفتك حاجه؟؟؟

[/color][/size]

اه
ان شاء الله راح تعرفي قصدي
العصر اذن...
انتظرونا..

المشاركة الأصلية كتبت بواسطة احمد

(ولسه هافكرلك فى اسئله ولا كفايه كدة؟؟)

متتعبش نفسك يا بشمهندس و تقعد تفكر في اسئله .... انا عاملة علي تعبك .... كله إتسأل مفتكرش في تاني

المشاركة الأصلية كتبت بواسطة نهله

شكرا جدا يا نادين علي كلامك الحلو دا ... حقيقي انا اللي سعيدة بالتعرف عليكي

لكن صعب إني احكي موقف معين .... و بعدين مش جدعة و لا حاجة الحكاية كلها إني اتعودت ان اعتمد علي نفسي ... و بعدين ايه الأسئلة الصعبة دي .... خليكي انت جدعة و هاتي اسئلة اسهل شوية .... من ساعة من قريت السؤال و انا بفكر في إجابة

على فكرة انا لسة مستنية إجابة... ممكن تقوليلنا موقف "صعب" و لكنك عرفتى تتصرفى فيه... و دى هى الجدعنة

موقف فى الجامعة فى الشغل فى الشارع فى البيت !!!

و سؤالى التانى :

متى تشعرى بالحرية؟؟ متى تشعرى بالقيود؟؟
متى تتفائلى ؟؟ و متى تتشائمى؟؟

انا عارفة انها مش أسئلة سهلة ، و لكنك قدها و قدود