الموضوع: ضيفتنا لهذا الأسبوع الوزيرة المُتألقه نهله أهلاً وسهلاً بها

الأحبه في الله
أسرة منتدى مملكة تاميكومـ
يُسعدنا ويُشرفنا أن تكون معنا الوزيرة المٌتألقه :نـــــــهله
ضيفه لهذا الأسبوع..
وكمـ انتظرنا هذا اللقاء كثيراً
فأهلا وسهلا بها وفي انتظار اسئلتكمـ
دُمتم في رضى الله

أهلا وسهلا بالأخت الفاضلة نهلة
كل عام وانتى بخير

حدثينا عن مميزات وعيوب الشعب المصرى من وجهة نظرك؟
ماهى طموحاتك المستقبلية؟
عبرى عن شخصيتك بكلمات ؟

ولك الحرية ف الاجابة او الأمتناع
تحياتى

كيف ترى نهله نفسها؟

مارأيك في الرجُل الشرقي(بكُل صراحه)؟

بداية نرحب بمعالى الوزيرة
الدكتورة نهلة
وكفايه كدة النهاردة (ترحيب وسلامات وبس)
(يدوب تشمى نفسك كدة)
الاسئلة بكرة بقى انشاء الله

اهلا وسهلا بضيفتنا الوزيرة نهلة شرفتينا ونورتينا
علي فكرة حلوة قوي الفكرة دي يا سيلانت وفرصة جميلة نتعرف ببعض اكتر
وزي ما قال الاستاذ احمد ترحيب بس النهاردة

المشاركة الأصلية كتبت بواسطة silentemotions

الأحبه في الله
أسرة منتدى مملكة تاميكومـ
يُسعدنا ويُشرفنا أن تكون معنا الوزيرة المٌتألقه :نـــــــهله
ضيفه لهذا الأسبوع..
وكمـ انتظرنا هذا اللقاء كثيراً
فأهلا وسهلا بها وفي انتظار اسئلتكمـ
دُمتم في رضى الله

السلام عليكم و رحمة الله و بركاته

اشكرك جدا يا سيلنت علي الترحيب المشجع ده
بجد ربنا يستر و يعدي الأسبوع علي خير
مش عارفه حاسه انه جالي فقدان في الذاكرة و شكلها هاترجع بعد أسبوع
لكن بجد هاحاول أجاوب

لكن من فضلكوا راجعوا صلاحيات المشرفين في الموضوع دا ... البند رقم (5)
عشان ابقي كدا عملت اللي عليا
و تقدروا تسألوا براحتكوا

http://www.tamecom1.com/vb/t2773.html (استغلال المُشرفين لصلاحياتهمـ)

نرحب بمعالى الوزيرة



الدكتورة نهلة

المشاركة الأصلية كتبت بواسطة دينا جابر

أهلا وسهلا بالأخت الفاضلة نهلة
كل عام وانتى بخير

حدثينا عن مميزات وعيوب الشعب المصرى من وجهة نظرك؟
ماهى طموحاتك المستقبلية؟
عبرى عن شخصيتك بكلمات ؟

ولك الحرية ف الاجابة او الأمتناع
تحياتى

اهلا بالوزيرة العزيزة دينا .... كل اسئلتك مجابة يا دينا يكفي انك اللي سألاها ....

عن مميزات الشعب المصري و عيوبه ..... رغم ان السؤال دا ممكن يخسرني ال 76 مليووون بس هاجاوب

تخيلي واحد - مصري طبعا - واقف في مفترق طرق وتايه و شاف واحد ماشي من بعييييييييد في شارع .... أكيد هايمشي في نفس الشارع اللي مشي فيه الراجل اللي من بعييييييد ....رغم انه ممكن يكون تايه زييه أو مش رايح في نفس طريقه .... لكن إحنا تنطبق علينا مقوله إننا نسير في نفس الدروب التي سلكها غيرنا .... لا نتطرق لدروب جديدة إلا نادرا .... و غالبا في البدايه اللي بيعمل حاجة جديدة يقابل بوابل في المحبيطين اللي يخوفوه و يقولوا يا بني محدش عمل كدا قبلك هاتقوم تعملها انت و هكذا .....
واحد عمل مشروع و مشي حاله .... عشرة يفتحوا جنبه و في نفس المكان نفس الفكرة ... و هكذا
حتي في الإهمال و النظام نفس المسلك .... لو المكان نظيف كله يلتزم بالنظافة ... و لو العكس يبقي نفس الشئ

رغم انه من العيوب بس بطلع منه بميزة .... إننا لنا نفس الفكر فينا وحده في الشعور ... غالبا مفيش بيننا إختلافات كثيرة ... يعني حتة واحدة .... غير إننا شعب طيب بجد تلاقي الوجوه كلها مألوفة زيي ما تكوني عارفاهم كلهم ....
ويكفي ان رسول الله عليه الصلاة و السلام قال عنا إذا فتح الله عليكم مصر، فاتخذوا فيها جندا كثيفا، فذلك الجند خير أجناد. فقال أبو بكر: ولم يا رسول الله؟ قال: لأنهم وأزواجهم في رباط إلى يوم القيامة.
في الأخر بجد بحب مصر جدا و بحب المصريين جدا بعيوبهم و بمميزاتهم

وأحب أعرف رأيك يا دينا في الشعب المصري .... لأني متعاملتش غير مع مصريين لكن انتي اشتغلتي في الإرشاد السياحي وأكيد إتعاملتي مع جنسيات مختلفة ؟؟؟؟


ماهى طموحاتك المستقبلية؟
في الدراسة ..... أكمل الدكتوراة يا رب
في الشغل ...... شغلي يستمر و يكبر

عبرى عن شخصيتك بكلمات ؟
اممم ... مش عارفة صعب أن الواحد يعبر عن نفسه ... مش عارفة أقول أيه؟؟؟

شكرا يا دينا علي اسألتك ومعلش رغيت كتيييييييييييييير

المشاركة الأصلية كتبت بواسطة silentemotions

كيف ترى نهله نفسها؟

مارأيك في الرجُل الشرقي(بكُل صراحه)؟

كيف تري نهله نفسها ؟؟؟؟

يمكن مش شايفاها اساسا يا سيلنت

عموما شايفاها عادية جدا .... فيها من الصفات الحلو و الوحش بدرجات متفاوته .... الحلو مش حلو أوي و الوحش مش وحش أوي .... بقدر إمكاني بحاول أراعي ربي .....

ما رأيك بالرجل الشرقي و بكل صرااااااحة؟؟
أوباااااااه
هو فين الرجل الشرقي يا سيلنت ؟؟؟؟... دا بقي شمالي غربي طبعا إلا من رحم ربي ... غالبا مش بحب التعميم ....

عموما الرجل الشرقي بالمواصفات اللي كانت موجودة في الكتب ...
هو الرجل الشهم ... المسئول ... الغيور علي بيته و أهله ... يحترم المرأه .... يحب السيطرة ....

لكن في شوية رياح غربية أدت إلي تغييرات في الإتجاهات الشرقية ....

المشاركة الأصلية كتبت بواسطة احمد

بداية نرحب بمعالى الوزيرة

الدكتورة نهلة
وكفايه كدة النهاردة (ترحيب وسلامات وبس)
(يدوب تشمى نفسك كدة)
الاسئلة بكرة بقى انشاء الله

سلامات و طيبون يا باشمهندس أحمد

بس يا ريت الأسئلة يكون فيها أختيار من متعدد
و إمكانية حذف سؤالين

المشاركة الأصلية كتبت بواسطة بنت الاسلام

اهلا وسهلا بضيفتنا الوزيرة نهلة شرفتينا ونورتينا

علي فكرة حلوة قوي الفكرة دي يا سيلانت وفرصة جميلة نتعرف ببعض اكتر

وزي ما قال الاستاذ احمد ترحيب بس النهاردة

اهلا بك أختنا الفاضلة بنت الإسلام

سعيدة جدا بمشاركتك

المشاركة الأصلية كتبت بواسطة المروج

نرحب بمعالى الوزيرة



الدكتورة نهلة

اهلا بك معالي العضو غاية في التميز المروج

يا الف هلا فيكي وزيرتنا الرائعه نهله
نورتي كرسي الاعتراف
بس عارفه كل الي عمله فيا احمد راح احطو عليك حتى اروح عن نفسي بمعنى انك كبش الفداء
اتمنى لك اقامه ممتعه مع الاسئله

المشاركة الأصلية كتبت بواسطة ابن جامع ابي حامد

يا الف هلا فيكي وزيرتنا الرائعه نهله

نورتي كرسي الاعتراف
بس عارفه كل الي عمله فيا احمد راح احطو عليك حتى اروح عن نفسي بمعنى انك كبش الفداء

اتمنى لك اقامه ممتعه مع الاسئله

يا ألف هلا فيك أخي ابن جامع

بس ليه كدا انا ذنبي ايه؟؟؟؟
دا حتي م/ أحمد رحمك من المرحلة الثالثة و مجبش معاه كابتن حوكشة و لا حموكشه

بسم الله الرحمن الرحيم
س/ ما اسمى امانيك(الهدف)؟
س/في أي جزء من القران وصلتي؟
س/ تصلين صلاة التراويح في المسجد ام البيت؟وكم ركعه؟
س/كيف حالة الطقس عندكم؟
س/كيف وصلتي للمملكة؟
س/ليه كتابتك صغيره؟
س/من هو :
خفاش المملكة(سريع الرد)؟

تحسين عنده كرش؟

تحسين كتابته على الكيبورد سريعه؟

افكاره حلو؟

يستحق الاشراف؟

كسول؟

س/لو اصبحتي رئيسة دوله ما هو اول عمل تعمليه؟
س/نهله هل هو اسمك الحقيقي؟

س/رأيك بالمملكه بكل صراحه؟

س/لمن تهدين الاتي:

المنتدى بدونك مالو طعم

احساسك عالي

يعجبني تواضعك

نفتقدك ونتمنى رجوعك

ما نتذكرك ويارب ما ترجع

المملكة تفتخر بامثالك

س/عضوان تحسين انهما متشابهين ؟

س/هل تنطفي الكهرباء عندكم زيينا؟

س/ماهي البرامج الدينيه التي تتابعيها في رمضان؟

س/هل تتابعين مسلسل باب الحاره؟

س/من هو منشدك المفضل؟

س/رأيك بقناة فور شباب ؟

س/هل اسئلتي ثقيله وله خفيفه الظل ؟ باينه ثقيله

يلا كفايه اليوم دول
والجاي اعظم...

المشاركة الأصلية كتبت بواسطة نهله

وأحب أعرف رأيك يا دينا في الشعب المصري .... لأني متعاملتش غير مع مصريين لكن انتي اشتغلتي في الإرشاد السياحي وأكيد إتعاملتي مع جنسيات مختلفة ؟؟؟؟

أهلا يانهلة أزيك؟
أتمنى تكونى بخير

على فكرة انا حاليا مش بشتغل فى مجال الارشاد السياحة وانا كنت بشتغل فيه فقط شهر او شهرين فى السنة والكلام ده استمر معايا لمده 3 سنوات فقط ولكن لى عوده بعد 5 او 6 سنين
فأكيد كلامى او وجهة نظرى ماتكونش كاملة .

عن رأى الشخصى فى الشعب المصرى

- أغلبية الشعب بيكافح من اجل المعيشة فقط ونظرتهم قصيرة جدا ف طموحاتهم لكن ممكن مايكنش العيب الاساسى من الناس انفسهم والوضع الحالى هو اللى أجبرهم على ذلك .

- أستغلال أصحاب السلطه والنفوذ وحكم النفس على النفس

- طلعا الشعب المصرى يتميز بطيبه القلب والتسامح والتعاطف

- فى نقطة بتعجبنى اوى فى المصريين "الحب فى الله" بشوف علاقات كتيرة بتقوم على تشجيع كل واحد على اداء الطاعات والفروض واكيد بنشوف العلاقات دى فى المساجد فى هذه الأيام

- الأخلاص وده فى الغالب مايسود بين العلاقات فى الشعب المصرى اى ان كان بين الازواج او الأصحاب وهذا عكس مايكون تماما مع الاجانب "يعنى لو واحده أعجبت بزوج صديقاتها أو العكس فممكن من السهل يكون فى علاقة كاملة بينهم .........
- وايضا اكثر مايعجبنى ف الشعب المصرى تعزيز النساء وطبعا يرجع الفضل للدين

بالرغم من العيوب الكثيرة للشعب المصرى التىْxxxxxxxx............... لكن أجمل مافيه انه شعب أغلبيته ليه مبدأ ويراعى الله ويعرف الحق وان فى حاجة أسمها حلال وحرام ومش كله سايح على بعضه "بجد شعب معدنه نظيف ولكن يحتاج لتحسين بعض سلوكياته"

ممكن اون نسيت بعض النقاط لكن اللى كتبته فقط هو اللى جه على بالى............

تحياتى ليك يانهلة واتمنالك التوفيق فى حياتك وبأذن الله تحققى كل اللى تتمنية

سؤالي لوزيرتنا المبدعه

لماذا كنت لا ترغبين ان تحلي ضيفه علي المملكه ؟ ....

اليس من حقنا ان نتطلع الي معرفه جوانب مهمه في شخصيات عظيمه مثلك؟

طبعا لقاء جميل ، مع شخصية جميلة و جدعة ( عن تجربة شخصية )

و عايزة أعرف منك ، أيه اكتر موقف " غريب " تعرضتى ليه، و إذاى أتصرفتى... (إزاى كنتى جدعة )

و للأسئلة بقية

ابن جامع ابي حامد بجد طلعته فعلا علي نهلة قد ايه هي صعبانه عليه بجد انا كنت محضرالها اسئلة قررت تأجيلها بسببك بس بصراحة هي فعلا اسئلة حلوة عشان نعرفها اكتر
الله يكون في عونك يا نهله قلبي معاكي

استعنا بالله عشان نعرف نجاوب علي اسئلة ابن جامع
يا رب يا كريييييييييم
بسم الله الرحمن الرحيم

المشاركة الأصلية كتبت بواسطة ابن جامع ابي حامد

بسم الله الرحمن الرحيم

س/ ما اسمى امانيك(الهدف)؟
ما دام قلت أسمي يبقي رضا الله و نفسي استشعر هذا الرضا
س/في أي جزء من القران وصلتي؟
مقصرة جدا

س/ تصلين صلاة التراويح في المسجد ام البيت؟وكم ركعه؟
كل سنة كنت بصليها في مسجد بحبه جدا و حقيقي مفتقدة الصلاة فيه في رمضان دا ... لكن لظروف بصليها الحمد لله في البيت... لكن طبعا في المسجد حاجة تانيه
8 ركعات
س/كيف حالة الطقس عندكم؟
بالمقارنة بعندكو يبقي رضا و الحمد لله
في مصر درجة الحرارة اليوم 33 و في بغداد 43

س/كيف وصلتي للمملكة؟
شكلك كدا توهت قبل كدا لحد ما وصلت رغم ان العنوان واضح جدا
tamecome1.com
س/ليه كتابتك صغيره؟
ليه بس دول حتي زادو عن ال 300 مشاركة و الحمد لله
س/من هو :
خفاش المملكة(سريع الرد)؟
رفيف

تحسين عنده كرش؟
:d معرفش

تحسين كتابته على الكيبورد سريعه؟
أكيد واحد واخد دوره typing :d
افكاره حلو؟
كتيييييييييير

يستحق الاشراف؟
اللي كنت شايفه انهم يستحقوا الحمد لله دلوقتي مشرفين
عبد الله
سميرة
دعاء الكروان

كسول؟
نهله

س/لو اصبحتي رئيسة دوله ما هو اول عمل تعمليه؟
شوف بأه السؤال ده ... بسرح فيه كتييييير و اقعد اتخيل لو مسكت مقاليد الحكم ممكن أعمل ايه؟؟
و علي حسب الحالة العامة بقعد أتخيل ....بس حظك حلو في حاجات كتييييييير نسياها
أول حاجة مضايقاني
حاله الهيافه العامة ... لازم نشوف حل بالتنسيق مع وزارة الثقافة و الإعلام كفايه طوفااااااان المغنيين و الممثليين في البلد و البرامج بيتهأيئلي لو فتحت الحنفية هاتنزل مغنيين
ورمضااااااااان مش هايكون فيه مسلسلات و لا ياميش
دا مش شهر أكل و فرجة علي التليفزيون
البيئة بأه و مشاكل التلوث و الصحة العامة و النظافة و التعليم
حاجات كتيييير ...كفاية كدا

س/نهله هل هو اسمك الحقيقي؟
اسمي الحقيقي و الحركي مع بعض

س/رأيك بالمملكه بكل صراحه؟
المملكة الديموقراطية الدافئة الإلكترونية العظمي

س/لمن تهدين الاتي:

المنتدى بدونك مالو طعم
بجد بكل الأعضاء ... كل عضو له طعم و إضافة

احساسك عالي
سيلنت

يعجبني تواضعك
كل اللي في المملكة محستش إن في حد غير كدا

نفتقدك ونتمنى رجوعك
كتتتتتتتير أي حد مش باين من مدة
ملكة اليمن
رفيف
wahaab
الداعي بالحسني
asmaa star
ابو الحلول

ما نتذكرك ويارب ما ترجع
ما دام ما نتذكرك يبقي هافتكر اسمه ازاي

المملكة تفتخر بامثالك
بكل اللي فيها حقيقي

س/عضوان تحسين انهما متشابهين ؟
كل عضو فيه اللي يميزه عن الأخرين و دي ميزة المملكة

س/هل تنطفي الكهرباء عندكم زيينا؟
بس مش بيحصل كتييييييييير
ندر ما ندر

س/ماهي البرامج الدينيه التي تتابعيها في رمضان؟
مش بتابع أي برامج

س/هل تتابعين مسلسل باب الحاره؟
قولي اشمعني باب الحارة و انا اجاوبك

س/من هو منشدك المفضل؟
بصراحة لم أسمع إلا
النقشبندي و نصر الدين طوبار
و بحبهم

س/رأيك بقناة فور شباب ؟
معرفهاش

س/هل اسئلتي ثقيله وله خفيفه الظل ؟ باينه ثقيله
دول عدوا علي خير انا خايفة من الجملة اللي تحت

يلا كفايه اليوم دول

والجاي اعظم...
رغم انه مش ذنبي اللي عملوا فيك م أحمد
و لا عشان انت عديت

المشاركة الأصلية كتبت بواسطة دينا جابر

لكن أجمل مافيه انه شعب أغلبيته ليه مبدأ ويراعى الله ويعرف الحق وان فى حاجة أسمها حلال وحرام ومش كله سايح على بعضه "بجد شعب معدنه نظيف ولكن يحتاج لتحسين بعض سلوكياته"

ممكن اون نسيت بعض النقاط لكن اللى كتبته فقط هو اللى جه على بالى............

تحياتى ليك يانهلة واتمنالك التوفيق فى حياتك وبأذن الله تحققى كل اللى تتمنية

معاكي حق يا دينا و يمكن دي أهم نقطة بتمييز المصريين ....الخطوط الحمراء للصح و الغلط ما زالت موجودة و فطرتنا فيها لحد كبييييير أحسن من غيرنا
و اتمني لك إيضا التوفيق و ان تحقيقي ما تتنمي

المشاركة الأصلية كتبت بواسطة بنت الاسلام

ابن جامع ابي حامد بجد طلعته فعلا علي نهلة قد ايه هي صعبانه عليه بجد انا كنت محضرالها اسئلة قررت تأجيلها بسببك بس بصراحة هي فعلا اسئلة حلوة عشان نعرفها اكتر
الله يكون في عونك يا نهله قلبي معاكي

تأجيلها بس ... واضح إني مصعبتش عليكي كفاية

تحية قلبية للأخت سيلنت
على موضوعها الراقي


مرحبا بكِ أختي نهلة
على كرسي الإعتراف
اتفضلي ارتاحي وخدي ضيافتك قبل ما أسألك

صحيح إحنا صائمين بس

أسمحي لي أقدم لك ضيافة تليق
بمقامك الغالي
تمتعي بمذاقها بعد الفطار

تفضلي ... الأسئلة.. إن شاء الله تكون خفيفة عليكِ

من يعجبك من الشعراء .....؟؟
أجمل قصيده سمعتها...؟؟
لكل إنسان منا خطوط حمراء ..
فماهي الخطوط الحمراء عند ك والتي لاتسمحي بتجاوزها ..؟

إذا استعرضنا معـــــًا أجمل محطاتك في :
الطفولة ، الدراسة ,

فماذا سنجد في جعبتكِ من مواقف لم تزل قائمة في الذاكرة؟؟

ماذا تعني لك :

دمعه الطفل

دمعة المرأة

دمعة الرجل

من هو الصديق المخلص الوفي برأيك؟

ما هي مقومات السعاده بالنسبه لك؟

آيه قرآنية تجعليها دائماً نصب عينيك ؟

لمن تلجئي عندما تجد ي نفسك تائهة؟؟

من خلال نظرتكِ لنفسكِ...هل تستطيعين ان تحكمي على نفسكِ أنك تملكين قلب كبير؟

حكمة تتخذيها شعار لحياتك ؟

في نظركِ أجمل مافي الحياه ؟ وأقبح مافيها ؟

سمه تعتزي بها كثيرا في شخصيتكِ ؟

هروب الكلمات من مخيلتكِ عندما تكوني في أمس الحاجة لها كيف تعالجيه؟

ماذا تكــتبـــــي ....تحت هذه الصــــــــــوره؟

هذه ضيافة مع الشكر
لمن يتابع الموضوع

شكراً لكِ .. وتمنياتي لكِ بمزيد من التألق

س/كيف حالة الطقس عندكم؟
بالمقارنة بعندكو يبقي رضا و الحمد لله
في مصر درجة الحرارة اليوم 33 و في بغداد 43

ما شاء الله ..هنيئا لكم

س/كيف وصلتي للمملكة؟
شكلك كدا توهت قبل كدا لحد ما وصلت رغم ان العنوان واضح جدا
tamecome1.com

مش فاهم..انا كان قصدي كيف شاركتي بمملكة تاميكوم هل عن طريق دعوه او بالصدفه

س/هل تنطفي الكهرباء عندكم زيينا؟
بس مش بيحصل كتييييييييير
ندر ما ندر
قولوا الحمدلله..نحنه ندر ما ندر بتجي الكهرباء

س/هل تتابعين مسلسل باب الحاره؟
قولي اشمعني باب الحارة و انا اجاوبك
لانها انتشرت عندنا انتشار واسع ..فكنت عايز اعرف سيطها عندكم
..
..
شفتي كرم وضيافة ام ندى
شو عايزه كمان؟
نحنه ما علمونا كده!
يلا ارتاحي شوي ...
وطبعا لازم تكون هناك علاقة طرديه مع حسن الضيافه والاسئله ..فلما تزيد دي التانيه لازم تزيد..
فبما ان الضيافه حلوه والاكل كتير ما شاء الله فاكيد لازم الاسئله تكون حلوه وكتيره
يلا يا بنت الاسلام لا تقصري مع الضيفه
فاصل ونعود..ابقو معنا