الموضوع: Maroko ... ضيفتنا العشرين أهلا وسهلا

السلام عليكم مواطني مملكة تاميكوم العزيزة

يشرفنا ان تكون ضيفتنا لهذا الأسبوع هي

المهندسة الشاطرة و النشيطة و المتألقة

maroko

اهلا و سهلا بها و بأسئلتكم

السلام عليكم و رحمة الله

سؤالي لماروكو عايزاكي تردي عليه بعد الساعة 7 النهاردة إن شاء الله

شعورك إيه بعد المباراه؟؟؟؟؟ طبعا أحنا لسه مش عارفين النتيجة

المشاركة الأصلية كتبت بواسطة نهله

السلام عليكم و رحمة الله

سؤالي لماروكو عايزاكي تردي عليه بعد الساعة 7 النهاردة إن شاء الله

شعورك إيه بعد المباراه؟؟؟؟؟ طبعا أحنا لسه مش عارفين النتيجة

أهلا نهلة
طب أنا ممكن أألك استعداتي الحاليه
الصراحة اليوم من أوله تحفه و الجامعة مولعه
كلو نازل بالأعلام من الساعة 9 الصبح
و الراديو ما شكتش أغاني وطنية
حاجة جامده جدا أنا مش عارفة لو بعد الشر متأهلناش الناس هتعمل ايه
و من امبارح التلفزيون محسسني انها ليله عيد
الناس بقت بتلكك بأي حاجة علشان تفرح و تنسى اللي هما فيه
و بالنسبة ليا جهز طقم أبيض في أحمر في أسود ومعاه كاب المنتخب الكبير علشان الماتش بليل
و ربنا يكرم ان شاء الله
و لو وأن توقعاتي بتقول ان التأهل صعب بس ممكن نلعب ماتش الفايصل في السودان أن شاء الله
و لي هودة بعد الماتش ان شاء الرحمن

الف مبروووووووووووووووووووووووووووووك مهندستنا الفاضله

عايز أعرف شعورك ايه الان بعد النصر

انا ضغطى الان مرتفع جداً جداً , و كدت اصاب سكته قلبيه فى اللحظات الاخيره .

الف مبرووووووووووووووووووك لينا كلنا

انا كنت متأكدة من المكسب ، بس طبعا ضغطى مرتفع برضه


بس هما دول المصريين ، و هى دى حبيبتى مصر

مستنية إحساسك يا Maroko

فرحة فرحة فرحة

الله عليهم فرحونا و الله


بس مفيش كلام الضغط طلع و نزل

ماتش غريب جول في أوله و جول في أخره و حرقة دم في النص

و مش عارفة أوصفلكم الشارع واقف على رجل و نص

و الناس فرحانه و هايصة بشكل مش طبيعي كأننا خلاص خدنا الكاس

بس هو في حاجة واحدة منكده عليا هنفضل في قلق و حرقة دم كده كمان 4 أيام

و يارب تتكرر الفرحة دي يوم الأربعاء

و أوووووووووووووووووووووووه مصراوي أوووووووووووووووووووه مصراوي

مبروووك نهلة .....
مبروووك د.ايهاب...
مبرووووك نادو.....

الماتشات معاكوا بأه ليها طعم تاني

اهلا بالوزيرة الجامدة جدا ماركو حللت اهلا ووطنت سهلا
ومبروووووك لمصر
سؤالي للوزيرة
ايه كان احساسك في اول توليكي لمنصب وزيرة؟
وكنت فعلا فرحانة ولا خايفة
وايه الفرق بين المواطن والوزير في رأيك ؟بما انك جربتي الاتنين

المشاركة الأصلية كتبت بواسطة بنت الاسلام

اهلا بالوزيرة الجامدة جدا ماركو حللت اهلا ووطنت سهلا

ومبروووووك لمصر
سؤالي للوزيرة
ايه كان احساسك في اول توليكي لمنصب وزيرة؟
وكنت فعلا فرحانة ولا خايفة

وايه الفرق بين المواطن والوزير في رأيك ؟بما انك جربتي الاتنين

شكرا شكرا حبيتي بنت الأسلام على الترحيب الجميل
و مبرووووووووك لمصر....

توليت الوزراة في يوم ذكرى ميلادي فكانت من أجمل هداياه
و كنت فرحانه الصراحة
بس المنصب مخيف شوية و يخلي مخك على طول فيه دوشه

و كل ما تشوفي حاجة في حياتك تترجميها لكلمات وتفكري هل تنفع تكون موضوع للمنتدى؟!
ده غير كمان لازم أدور على مواضيع جديدة و حلوة و احتجت أفضى وقت من يومي أساسي للمنتدى
و أركز جدا في كل كلمة بتتكتب لأن الكتابة أحيانا كثير بتخوني و قللق بأه يا ترى هيعجبهم؟! و أسأل كتيرة على هذا المنوال تزهق

بس غير كده المنصب جميل و عقبالك قريبا ان شاء الله

مبروووووووك الفوز لمصرماروكو ...

سؤالي التاني عايزاكي تجاوبي عليه يوم الأربعاء القادم بعد الساعة 7 إن شاء الله
ايه أحساسك بعد المباراة؟؟؟

و سؤالي التالت لو مجاوبتيش عليه لحد بكرة ... هتتاضعف الأسئلة اللي ممكن اسألها

تحبي تقولي إيه عن ماروكو؟؟؟؟

اهلا وسهلا بكِ أختي
نورتينا بجد
سؤالي
ما رأيك في كلا من:
الحريه الزائده للفتاه؟
الحب واللصداقه عن طريق الانترنت؟
مملكة تاميكوم؟
رئيس مملكة تاميكوم
؟

أهلا ماروكو
أسفه ترحيبى جه متاخر لكن انا لسه شايفه الموضوع حاااااااااااااااااااااااااالا

نورتى المملكة

أستعدى علشان محضرالك أسأله كتير ونبدأ بالحديث عن المرأة

- من المرأه اللي بتمثل برايك مثال يحتذى به ؟؟؟

-_ برايك أيه اكثر مطلب يهم المراة العربيه ؟؟

- ما هو الجانب الموجود في شخصيتك وتحاولي إخفاؤه ؟؟؟

بماذا تفكري في هذه اللحظه ..وبصراحه؟
ولك الحرية فى الاجابة او الرفض

ولى عودة بباقى الأسئلة

يا ماما......
الحقيني....
ايه الأسئلة دي كلها
دا أنا قلت الحمد الله الناس نسية و قلت مصلحة كلوا بيتكلم على الكورة

ده كلام بردو مش نخلينا في الكورة أحسن

بس مفيش مشكلة

و هرد على كل الأسئلة بكرة ان شاء الله لأني سرقة الوقت بالعافية علشان أبص بصة على المملكة
و لي عودة ان شاء الله

و د,نهلة منضاعفيش الأسئلة لبكرة احنا بردو وزرة زي بعض
خليك حنين يا جميل

المشاركة الأصلية كتبت بواسطة maroko

و هرد على كل الأسئلة بكرة ان شاء الله لأني سرقة الوقت بالعافية علشان أبص بصة على المملكة

فى أنتظار بصتك :d :d والأجابة

نسأل شويه في العلم ..

سؤال تقليدي : ماذا ترين تأثير نظم المعلومات علي الحياة العامه في مصر ؟ .... هل توجد نتائج ملموسه ؟ ... ام هي موضه كبقية الانشطه الاخري ؟

سؤال غير تقليدي : هل تشعرين ان نتائج الماجستير التي تعملين بها الآن ستكون نتائج عمليه تصبح قيد التنفيذ لصالح الوطن ؟ ... ام ستكتفين بتزيين غرفتك بشهاده "شيك" مع الاحتفاظ بنسخه ورقيه للذكري و الزمن !!! ؟

أهلييييييييييييييييييين بوزيرة التكنولوجيا والاشياء الحلوة .. منورة والله ~ مارووووووكو

سأعود لطرح بعضا من الأسئلة .. بس تبصي بصتك تبع بكرة ..

المشاركة الأصلية كتبت بواسطة محمد

نسأل شويه في العلم ..

سؤال تقليدي : ماذا ترين تأثير نظم المعلومات علي الحياة العامه في مصر ؟ .... هل توجد نتائج ملموسه ؟ ... ام هي موضه كبقية الانشطه الاخري ؟

سؤال غير تقليدي : هل تشعرين ان نتائج الماجستير التي تعملين بها الآن ستكون نتائج عمليه تصبح قيد التنفيذ لصالح الوطن ؟ ... ام ستكتفين بتزيين غرفتك بشهاده "شيك" مع الاحتفاظ بنسخه ورقيه للذكري و الزمن !!! ؟

اخي ~ محمد

افحمتني بطريقة عرضك للاسئلة .. يعني هسه انا مفحمة
ما شاء الله عليك ... الله لا يوقع حدا تحت ايديك .. قصدي اسألتك ...

بسم الله الرحمن الرحيم

قبل ما نبدأ صلوا على النبي
و كمان زيدوا النبي صلى

نبدأ في الأجابات على الأسئلة
أولها أسئلة د.نهلة

المشاركة الأصلية كتبت بواسطة نهله

مبروووووووك الفوز لمصرماروكو ...

سؤالي التاني عايزاكي تجاوبي عليه يوم الأربعاء القادم بعد الساعة 7 إن شاء الله
ايه أحساسك بعد المباراة؟؟؟

هرد عليكي ان شاء الله بعد الماتش يوم الأربعاء
و على فكرة استعداتي للماتش هي هي بتاعت الماتش اللي فات و هنقطع الدنيا تشجيع أن شاء الرحمن

المشاركة الأصلية كتبت بواسطة نهله

تحبي تقولي إيه عن ماروكو؟؟؟؟

مين ماروكو دي

الصراحة مش عايزة أقول عنها حاجة بس ممكن أعرفك بنفسي شوية أنا مهندسة برمجة و بحضر حاليا ماجستير في هذا التخصص و الحمد الله ضايعة فيها جدا و مش عارفة أظبطها خالص (ادعولي) و غير كده ماروكو زي أي بنت و هتلاقوا مني كتير

المشاركة الأصلية كتبت بواسطة silentemotions

اهلا وسهلا بكِ أختي

نورتينا بجد

حمد الله على السلامة و منورة المنتدى ووحشتنا مواضيعك

المشاركة الأصلية كتبت بواسطة silentemotions

الحريه الزائده للفتاه؟

ايه السؤال الصعب ده ؟!؟
نجاوب على فد ما فهمنا
هو أنا شايفة ان مفيش حرية زيادة و لا قليلة
الحرية بأي كمية حرية بس هي الفكرة أنا فاهمة الحرية ازاي
و مفيش حرية لولد أو لبنت و ده المفروض الصراحة
و لو انه في ناس متخيلة ان الولد ليه حرية أكبر من الولد بس علشان هو ولد ليه؟!؟
اللي أنا مطالبه بيه انت كمان مطال بيه
و عموما
و احنا مقيدين بتعاليم دينا و بأخلاقنا اللي تربنا عليها و بعادات مجتمعنا اللي عايشين فيه
و3 محاور دي هي اللي تحددا مساحة الحرية التي نملكها و أي حاجة خارج نطاق ال 3 محاور يبقى أنا مش حرة

و أن بالنسبة ليا مش حاسة ان موضوع الحرية فارق معايا يعني متحطتش في موقف ان حد يقولي انتي عملتي كده ليه و أنا أرد أقول أنا حرة يمكن علشان مخرجتش عن المألوف و العادي

ندخل على السؤال التاني

الحب واللصداقه عن طريق الانترنت؟

حب لأ لأ لأ
صداقة ممكن بس طبعا بين و لد و ولد و بنت و بنت غير كده يبقى @!?%&*$
بس دي عايزلها حذر شديد ووقت أكتر من لو هكون صداقات مع ناس بشوفها قدامي و بتعامل معاها و جهاً لوجه
بمعنى ان المصدر مهم لو مثلا منتدى محترم زي تاميكوم أه ممكن جدا أنا عن نفسي ان شاء الله في ناس هيبقى بيني و بنهم صدقات جميلة جدا

مملكة تاميكوم؟

المملكة حبيبتي و زي ما قلنا منتدى محترم

رئيس مملكة تاميكوم

طب ده كلام هجاوب ازاي بس
هجاوب و المسدس وراء ظهري
يحترم الرأي الأخر و يرحب دائما بالحوار و دول مزتين صعب تلاقيهم عند حد معاه صلاحيات مطلقة كالتي لديه على منتداه

على فكرة أسئلتك تعبتني جدا يا سيلنت لأني فعلا مبقدرش أوصل كل اللي أنا بفكر فيه بالكلام عندي مشكلة رهيبة في التعبير فردودي عموما في حياتي أه أو لأ بس حاولت على قد ما قدرت

أهلا أهلا دينا

أستعدى علشان محضرالك أسأله كتير ونبدأ بالحديث عن المرأة

ده كلام بردو مش نخلينا أصحاب أحسن

من المرأه اللي بتمثل برايك مثال يحتذى به ؟؟؟

سؤال جميل
لو هنأول مثل أقتدي بيه "أساسي" أمهات المسلمين زوجات المصطفى عليه السلام
و اللي يتتبع سيرتهم يتعلم منهم الكثير

و كمان أنا بشوف ان كل أم قدرت تربي ولادها صح مثل يحتذى بيه لأن فعلا الأم الأساس و تربية الأبناء حاجة مش سهلة أبدا في ظل الظروف اللي احنا عايشين فيها

برايك أيه اكثر مطلب يهم المراة العربيه ؟؟

ما هذا السؤال يا دينا
و لا أعرف أجاوب عليه
على فكرة أنا المرأة العربية مش شغلاني أوي كده لأني ببساطة شايفة انها واخده حقها وزيادة ناقصنا ايه بس طيب ؟!؟!
ده حتى المرأة العربية في البلاد العربية المسلمة حقها مكفول و محفوظ و دينا حفظهولنا هنحتاج ايه أكتر من كده
و بلاش يا دينا الأسئلة ذات الأبعاد دي خليكوا في الخفيف و اللذيذ يا جماعة

ما هو الجانب الموجود في شخصيتك وتحاولي إخفاؤه ؟؟؟

هوهوووهوووو حجات كتير علشان كده مبحبش أتكلم كتير ..

بس ممكن نقول العادي بتاع كل انسان في حتة غلسة و شريرة جوة كل واحد و بيحاول دائما يتغلب عليها و ما يطاعهاش

بماذا تفكري في هذه اللحظه ..وبصراحه؟

بفكر أنا ايه اللي دبسني الدتبيسة دي
مكنا مداريين في القسم بتاعنا و محدش يعرف عننا حاجة
كده كل شيء انكشف و بان الناس هتبدأ ترسم صورة و تكون فكرة عننا
[quote]ولى عودة بباقى الأسئلة/QUOTE]
كفاية .........حرام .......

بس ايه يا سيلنت و يا دينا العقل ده كله
مشاء الله انوا عاقلين جدا
و أنا مُث كده خالث
أنا عيلة مووت و مليش أوي في كلام العاقلين فحاولوا تتقبلو ايجاباتي بشكل أو باخر
والشكر ألف مرة على أسئلتكوا الجملية

المشاركة الأصلية كتبت بواسطة محمد

نسأل شويه في العلم ..

سؤال تقليدي : ماذا ترين تأثير نظم المعلومات علي الحياة العامه في مصر ؟ .... هل توجد نتائج ملموسه ؟ ... ام هي موضه كبقية الانشطه الاخري ؟

سؤال غير تقليدي : هل تشعرين ان نتائج الماجستير التي تعملين بها الآن ستكون نتائج عمليه تصبح قيد التنفيذ لصالح الوطن ؟ ... ام ستكتفين بتزيين غرفتك بشهاده "شيك" مع الاحتفاظ بنسخه ورقيه للذكري و الزمن !!! ؟

الرئيس محمد شخصيا

نبيدأ بالسؤال التقليدي
و هجاوب على السؤال من تحت لفوق
يعني هبدأ بالجزء الأتي:-

ام هي موضه كبقية الانشطه الاخري ؟

حضرتك عارف انه لولا نظم المعلومات
لم تكن لتاميكوم أن تكون موجودة الأن ؟!؟
ومكناش نقدر نتواصل على رغم بعد المسافات ؟!؟!
و لا كنا هنقدر نحصل على كمية المعلومات دي و احنا فاتحين أجهزتنا؟!؟!
و لا كانت ماروكو هتُسأل الأسئلة دي كلها الأن (ده اللي بناخده من نظم المعلومات )
خلاص نظم المعلومات دخلت في كل حاجة في حياتنا بس لسه لم تلعب دورها الكامل في كل المجالات
لسه مصر عايزة شوية وقت

ماذا ترين تأثير نظم المعلومات علي الحياة العامه في مصر ؟ .... هل توجد نتائج ملموسه ؟

ممكن نفسرالأول ازاي ممكن نظم المعلومات ممكن يدخل في الحياة المصرية بشكل قوي و يحل مشاكل بجد لكل الفئات و نقول مثال ...

لما تقدر تطلع مستخرج رسمي لشهادة ميلادك من بيتك و انت فانح الكمبيوتر بتاعك من غير لف على مكاتب...

لما تقدر تدفع كل فواتيرك من خلال الأنترنت ميه و كهرباء و غاز ....الخ

لما تتنفذ الجامعة الألكترونية بشكلها المتعارف عليه في الخارج
و غيره و غيره الأمثلة كتير

هل احنا عندنا حاليا الحكومة الألكترونية ؟!؟!
هل احنا عندنا الجامعة الألكترونية؟!؟!

دول لسه نظم المعلومات لم تلعب دورها الكامل فيها

بس أنا اللي حاليا شغلني جدا نظم المعلومات الجغرافية
و فعلا ادينا من 10 الي 15 سنة و هتكون في مشاريع جميلة اتنفذت في المجال ده
لأن فعلا شركة الياه بدأت تفكر في تنفيذ أكتر من مشروع هيعملوا نقلة ان شاء الله

و من أحلى المشاريع المنفذة حاليا من وجهة نظري إتحاد مكتبات الجامعات المصرية المشروع ده عجبني جدا و الحاجة الوحيدة اللي الواحد استفاد بيها شخصيا و الدولة بتقدمها للشعب دون مقابل

مصر عايزة شوية وقت يا ريس

سؤال غير تقليدي : هل تشعرين ان نتائج الماجستير التي تعملين بها الآن ستكون نتائج عمليه تصبح قيد التنفيذ لصالح الوطن ؟ ... ام ستكتفين بتزيين غرفتك بشهاده "شيك" مع الاحتفاظ بنسخه ورقيه للذكري و الزمن !!! ؟

بس هي تخلص
و المفروض اني بعملها علشان تتنفذ
بس مش متأكده ده هيحصل و لا لأ

و لو الموضوع شهادة شيك و هعقلها طب ما كنت اكتفيت بالبكالوريوس حتى ده أنا معايا مرتية شرف
بس هي العملية مش كده خالص و بعدين البكالوريوس بمبقاش ليه قيمة خلاص و مش معنى اني أخدت البكالوريوس يبقى أنا خلاص خلصت تعليمي
و مهم جدا إني أتحصن بشاهداتي لأي ضروف ممكن تحصل و أعمل حساب الزمن ده يبقى من الذكاء محدش عارف بكرة في ايه خصوصا و ان بلدنا بلد شهادات

بس في الأخر الأهم من ده كله هاخد أي شهادة ليه ؟!؟
لو حتى اعدادية هأعمل بيها ايه ؟!؟!
هو ده اللي يفرق

و كفاية كده تعبتوني
و خلتوني أنهج

المشاركة الأصلية كتبت بواسطة بسملة

أهلييييييييييييييييييين بوزيرة التكنولوجيا والاشياء الحلوة .. منورة والله ~ مارووووووكو

سأعود لطرح بعضا من الأسئلة .. بس تبصي بصتك تبع بكرة ..

أهلا أهلا بسملة
و ده نورك انتي يا جميل
و عايزة أفكرك ان ان شاء الله الدور اللي جاي عليكي
و كله سلف و دين
فنسأل أسئلة خفيفة كده علشان لما يجي عليكي الدور ميحصليكيش اللي حصلي

عشان انا طيبة ...مش هاضاعف الأسئلة
و هابقي طيبة أكتر و أخليكي تشمي نفسك و كمان مش هاسألك وهاخليكي أنتي اللي هاتسألي

وجهي سؤال لأي عضوين تحبي تسأليهم ...
علي شرط صاحبة هذه المشاركة خارج نطاق الخدمة