الموضوع: ايهما تفضل العمل الحر والا العمل الحكومي؟؟؟؟؟؟؟؟؟؟؟

في موضوع شغلني جدا اليومين دول وحبيت اخد رايكم او بمعني اصح اتناقش معاكم في الموضوع
ببساطة لما تقف محتار تختار بين وظيفة حكومية وعمل حر
ايهما تفضل ؟
ولماذا؟
ممكن نتناقش في الموضوع ارجو مناقشة موضوعية جادة

المهندسة دعاء الكروان ...
اسمحي لي بنقل هذا الموضوع الرائع إلي مدينة استطلاعات الرأي ...

المشاركة الأصلية كتبت بواسطة دعاء الكروان

في موضوع شغلني جدا اليومين دول وحبيت اخد رايكم او بمعني اصح اتناقش معاكم في الموضوع
ببساطة لما تقف محتار تختار بين وظيفة حكومية وعمل حر
ايهما تفضل ؟
ولماذا؟
ممكن نتناقش في الموضوع ارجو مناقشة موضوعية جادة

الموضوع جميل يا دعاء ....

عن نفسي افضل العمل الحر ... و الحمد لله عملي عمل حر ...

العمل الحكومي بالطبع له مميزات ... يعطي احساس بالأمان اكتر من العمل الحر و تقلباته ...
ميزة العمل الحكومي هو الراتب الثابت ... و المعاش ... و مكافأة نهاية الخدمة ...

اما العمل الحر ...صعوباته في الدخل الغير ثابت ... و إن كان دا بالنسبة لي شئ ممتع لإنه ببساطة غير روتيني ...

العمل الحر بيحرك الطموح بشكل اكبر ... بيدفعك تلقائيا انك تكون أفضل ... بيدفعك لمتابعة الجديد في مجالك ... بيخليك أنشط من العمل الحكومي ... لآن العمل الحكومي بيتحرك بتتابع رتيب ...من درجة لدرجة ... ممكن تفقد معاه متعه العمل .... بيخلي الشغل شئ روتيني و بس ...

و بعدين هو فين العمل الحكومي ؟؟؟؟...

شكرا علي الموضوع الجميل ...

أنا عن نفسي أفضل العمل الحر و نفسي فعلا أطبقه

و مبقاش فيه للأسف شغل حكومي بالمعنى بتاع زمان

يعني العمل في المصالح الحكومية اليوم واخذ مساوء العمل الحكومي (الراتب الشهري الضعيف جدا ) و مساوء العمل قي الشركات الخاصة (مص دم و أوقات العمل لبعد الساعة 5)

ده غير ان كله عبارة عن عقود لا ضمانات لا تثبيت ...

و الي ليه ضهر جامد يحصل على العقد المميز و غير كده عقد موسمي مضروووووووووووب

و بس كده
بس برافو يا دعاء موضوع في الجوووون

ارجو من رئيسة الوزراء نهلة اضافة الموضوع الى قائمة الاهتمام
ولى تعليق كبير على الموضوع بس بعد المناقشة من جميع الاعضاء

المشاركة الأصلية كتبت بواسطة دعاء الكروان

ارجو من رئيسة الوزراء نهلة اضافة الموضوع الى قائمة الاهتمام
ولى تعليق كبير على الموضوع بس بعد المناقشة من جميع الاعضاء

تمام يا فندم .....

شكرك واحب اوضح لك بعيدا عن الاضواء ان نتيجة الاستطلاع والحوار ده هتكون قرار مصيري لي

المشاركة الأصلية كتبت بواسطة دعاء الكروان

شكرك واحب اوضح لك بعيدا عن الاضواء ان نتيجة الاستطلاع والحوار ده هتكون قرار مصيري لي

لا شكر علي واجب يا دعاء ....

لكن لازم تاخدي بالك ... ان القرارات المصيرية و اللي تخص كل واحد هو بس اللي بيكون الأقدر في الحكم عليها ... لإنه وحده الأدري علي معرفة قدراته و بما يستطيع القيام به ...

الموضوع دا بس ممكن يلفت نظرك لنقاط .....و هايكون عليكي انك تفكري فيها بطريقتك ...
طبيعة كل عمل تختلف عن الآخري ... وكل واحد احتياجاته تختلف عن الآخر ... و طموحات و احلام ورؤي الناس تختلف ...

اتمني لك كل التوفيق ... و أن يُخِير لك الله و يختار لك ما هو في صالحك في الدنيا و الآخرة ...

العمل الحر طريق صعب ، يحتاج أولا الى التوكل على الله سبحانه وتعالى ثم الصبر وعدم تعجل النتائج ، والقدرة على التفكير المنطقي واستقراء حاجة المجمتع والسعي في ابتكار ما هو جديد دائماً ، فلكي تخوضي غمار العمل الحر عليك التحلي بالنشاط والتفكير الدائم لرفع قدراتك ، ثم النيجة بعد ذلك بيد المولى سبحانه وتعالى...

هو العمل الحر جميل بيخليكى براحتك وكل يوم ببتعلم فيه جديد
عكس الحكومه ورتينه و.... و....و.... المهم
بقولك كده علشان انا موظفه حكوميه بس الحمد الله يعنى المرتبات عندنا كويسه اووووووى كمان الحمد بس برده حكومه

انا برده بفضل العمل الحر
لانه بيوسع مجال الابداع اكتر
بس الحكومه حلوه فى الاجازات والحاجات دى
ممكن تخدى حكومه الصبح
شغل خاص بعد الظهر
وتضربى العصفورتين

صوتي للعمل الحر .. لكن الواقع شئ آخر

المشاركة الأصلية كتبت بواسطة محمد

صوتي للعمل الحر .. لكن الواقع شئ آخر

اشكرك جدا على مرورك الكريم ولكن كعادتي اود رايك باستفاضة

المشاركة الأصلية كتبت بواسطة دعاء الكروان

في موضوع شغلني جدا اليومين دول وحبيت اخد رايكم او بمعني اصح اتناقش معاكم في الموضوع
ببساطة لما تقف محتار تختار بين وظيفة حكومية وعمل حر
ايهما تفضل ؟
ولماذا؟
ممكن نتناقش في الموضوع ارجو مناقشة موضوعية جادة

دعاء ، فكرة الإختيار بين وظيفتين ، مسأله فعلا جادة و صعبة
و يرجع قرار الفصل فيها لإحتياجات الفرد نفسه ، و تجربته الشخصية...

بمعنى ، أنه لا يمكن الحكم على مساؤى و مميزات أى عمل حكومى بناء على تجارب الأخرين ..
فبعض الوظائف الحكومية ، عائدها المادى "معقول" و مناسب بالنسبة لمواعيد العمل و المجهود و الأجازات و خلافه ....

فيما تعتبر الوظائف فى "القطاع الخاص" ذات عائد مادى "منتظم" الى حد ما ، و "كبير" الى حد ما بالمقارنه بالعمل الحكومى ، الا أنه يضاهى حجم العمل "الكبير" و المسئوليه و التزاماته و خلافه...

هذا بخلاف "العمل الحر" اللى العائد المادى "غير منتظم" و لكنه "حر" بدون قيود العمل لدى "القطاع الخاص"

و الإختيار يكون بناء على الرغبه الشخصية- فالبعض يرى العمل الحكومى ، بغض النظر عن ضعفه المادى ، الا أنه مناسب من ناحية "مواعيد العمل" للسيدات ...
و الأخرون يروا أنه يعمل لدى الحكومة بدافع مسئوليته تجاه الدولة ، و تجاه الشعب ، و نوع من رد الجميل لللدولة و محاولة لتحسين الخدمة الحكومية ...

أما العمل الحر .... فلا يوجد رئيس ، أنت رئيس نفسك .... له مميزاته و عيوبه ، و لكنك تشعر بالحرية ... و فى نفس الوقت له مصاعب كثيرة من حيث "فكرة" المشروع .... و الماديات ...

إذا الموضوع له أبعاد كثيرة ، ليست كلها مادية أو بدافع شخصى ...

أنا عن نفسى أحب العمل الحر .... لا الحكومى ، و لا القطاع الخاص ...