الموضوع: ناكر المعروف

هي حكايه شاب اسمه محمود ربنا اداله كل حاجه فى الدنيا بس هو مبيقدرش النعمه
ابوه وامه اتنين صالحين واخته الكبيره علياء فتاه متدينه وزوجها احمد راجل صالح واخته الصغيره سلوى لسه فى تالته اعدادى وبتصلى وعارفه ربنا هو الوحيد اللى من صغره عشان هو الولد الوحيد فى الاسره اخد جانب كبير من الرعايه والاهتمام وده كان اول اسباب الفساد والاسباب كانت زي السبحه اكرهالكو
تاني حبايه فى السبحه انه كان بيعلي صوته على اخواته البنات ومحدش بيعاقبه
تالت حبايه ان كل حاجه كان بيطلبها ابوه وامه كانوا بيجيبهالوا حتى ولو كانت فوق طاقتهم
والرابعه انه اتلم على اصدقاء السوء
الخامسه انه اتعلق ببنت مينفعش انها تبقى زوجه صالحه وتربي اولاده واصر انه يتجوزها ودي كانت الصدمه لابوه ولكل الاسره ووالده مقدرش يستحمل الصدمه وطب من طوله ميت
وبعد الاربعين محمود اتجوز البنت اللى اتعلق بيها واخد الميراث كله وباع البيت اللى والدته واخته الصغيره كانوا قاعدين فيه وما اداش حد حاجه من الميراث لان والده سامحه الله كان كاتبله كل حاجه قبل ما يتوفى ما هو الولد الوحيد!!
وقعد مع صحابه يصرف عليهم من الفلوس اللى ورثها
مراته خافت على الثروه تروح قبل ما ينوبها من الحب جانب فعملت خطه شيطانيه وضحكت عليه بطريقتها وخلتوا يكتبلها كل الثروه وهومقدرش يعمل اي حاجه ورمته فى الشارع
واحمد جوز اخته اخد حماته واخت مراته يقعدوا عنده وربنا فتح على احمد فى تجارته اللى كانت صغيره جدا لحد لما بقى صاحب اكبر شركه فى البلد
وبدات مرات محمود تبعزق قى الثروه يمين وشمال وبدا احمد يشتري كل حاجه هى بتبيعها لحد لما جمع الثروه تاني زي ماكانت واداها لحماتها هديه فى عيد الام.
سؤالي بقى مين هو ناكر المعروف فى القصه وايه رايكوا فى اولى مشاركاتي وما هي الدرزس المستفاده من هذه القصه

طبعا الشاب محمود هو ناكر المعروف هو وزوجته
كانوا في غاية الأنانيه وحب الذات وكانت زوجته في غاية الجشع
مرحباً بك وبقلمك اخي
في انتظار جديدك