الموضوع: شيماء(قصة قصيرة) من سلسلة قصص الأطفال والموت

أستيقظت كعادتها متأخرة من نومها,نظرت إلى ساعة الحائط ووجدتها الساعة السابعة والنصف صباحا,قامت مهرولة من على سريرها ودخلت غرفة ابنتها الصغيرة ونظرت إلى التربيزة
الموضوعة في منتصف الغرفة ووجدت عليها كيس من البلاستيك
مملوء بالسندوتشات التي سهرت ليلا في أعدادها
فقالت(كده بردو ياشيماء تنسي سندوتشاتك طيب هتفطري بإيه
دلوقتي)
ثم ذهبت لتغسل وجهها وهى مسرعة ,ارتدت عباءتها وأخذت
كيس السندوتشات وخرجت من بيتها وهى تجر خلفها
بعض القصاصات المبعثرة في الشارع بذيل عباءتها الطويل
والشارع زحمة جدا وصوت السيارات المسرعة يكاد يخترق الحواجز والأبواب المغلقة لتكشف لنا ما خلفها من أسرار
وصوت الباعة الجائلين وهم يتصارعون على مكان
وضع بضاعتهم ونساء ممتلئات تجري خلف أتوبيس
محشو بالآلاف من الركاب وبائعي الجرائد مفترشي الرصيف
وعوادم السيارات يعبأ كل المكان,
كل هذا يدور حولها وهى غير منتبهة فكل همها اللحاق بإبنتها
قبل أن تصعد إلى فصلها.
وصلت إلى باب المدرسة وكان الطابور الصباحي أوشك على
الانتهاء فأمسكت بالبوابة الحديدية وأخذت تشاور إلى ابنتها
لتأخذ منها السندوتشات ولكن نظرت إليها البنت بإستغراب
وصعدت السلم
"لو سمحت ياأستاذ فؤاد ممكن تدي السندوتشات دي لشيماء بنتي
معلش هتعبك معايا,
أصلها علطول مغلباني كده بشقاوتها ولماضتها يارب يديني طولة العمر وأشوفها دكتورة أد الدنيا"
هكذا قالت تلك السيدة للأستاذ فؤاد (المتأخر عن ميعاده)
فرد عليها قائلا"حاضر من عنيه أرجعي أنتي بس البيت
ومتشليش هم"
أخذ الأستاذ فؤاد السندوتشات وأعطاها للفراش
فقال الفراش" أكيد دي سندوتشات شيماء"
رد الأستاذ فؤاد" أيوه, متنساش تقرا الفاتحة لروحها الملائكية
أنا مش عايز أكسر بخاطر الست دي وأفهمها الحقيقة
وأهو السندوتشات دي تعتبر صدقة على روح بنتها"
مسكينة تلك السيدة فعقلها رافض أن يصدق
أن ابنتها الصغيرة"شيماء" ماتت غرقا في تلك البحيرة
التي توجد أمام بيتها الصغير وهى تلهو مع أصحابها
منذ سنة تقريبا
تمت,,,

قصه أكثر من رائعه أثرت فى كثيرا
وقرأتها مرات ومرات
وكلما قرأتها إزدادت روعه
سلمت يمينك حبيبتى
ولا تحرمينا من إبداعاتك

المشاركة الأصلية كتبت بواسطة borg_elhaz

قصه أكثر من رائعه أثرت فى كثيرا
وقرأتها مرات ومرات
وكلما قرأتها إزدادت روعه
سلمت يمينك حبيبتى
ولا تحرمينا من إبداعاتك

شكرا يابرج الحظ على مرورك وعلى كلامك الجميل
وبجد سعيدة بهذا الكلام كثيرا خصوصا لأنه من كاتبة متميزة

جميلة القصة اوى ياصدفة ونهايتها مش متوقعة
بس عندى سؤال ليه كل قصصك بتبدأ بالإستيقاظ؟

اعطيتها صوتي في المسابقه .... لانها قصه جميله

المشاركة الأصلية كتبت بواسطة رشماء

جميلة القصة اوى ياصدفة ونهايتها مش متوقعة
بس عندى سؤال ليه كل قصصك بتبدأ بالإستيقاظ؟

شكرا يارشماء على مرورك وعلى كلامك الجميل
وعن حكاية الاستيقاظ دي بصراحة مش عارفة أصل بحب الصحيان بدري
وبعدين إحنا أخوات بلاش فضايح .
إحترميني يابنت أنا أختك الكبيرة بردو

قصة رائعة .. رائعة ياصدفة
كعادتك دائما
مزيداّ من التقدم حبيبتى
قوليلى ايه أخبار مسابقة ( ساقية الصاوى )
دمتى بحفظ الله

المشاركة الأصلية كتبت بواسطة محمد

اعطيتها صوتي في المسابقه .... لانها قصه جميله

شكرا ياسيادة الرئيس على رأي حضرتكم

المشاركة الأصلية كتبت بواسطة gihan afifi

قصة رائعة .. رائعة ياصدفة
كعادتك دائما
مزيداّ من التقدم حبيبتى
قوليلى ايه أخبار مسابقة ( ساقية الصاوى )
دمتى بحفظ الله

شكرا ياطنط جيهان على كلامك الجميل
وبخصوص المسابقة أنا خسررررررت والحمد لله
يلا هبورز الديوان في الصالون وخلاص وأهو
نوع جديد من الديكور ولا إيه رأيك يابرج الحظ هنافسك في الديكورات

المشاركة الأصلية كتبت بواسطة صدفة سعيدة

شكرا ياطنط جيهان على كلامك الجميل
وبخصوص المسابقة أنا خسررررررت والحمد لله
يلا هبورز الديوان في الصالون وخلاص وأهو
نوع جديد من الديكور ولا إيه رأيك يابرج الحظ هنافسك في الديكورات

ولايهمك ياصدفتى
خيرها فى غيرها
إنتى لسة صغنونة , والأيام اللى جاية كتير ربى عاينلك الخير كله
وأوعى تُحبطى
طب وتبروزيها ليه
ضعي فى مدونتك اللى اشتركتى به فى المسابقة
وهتلاقى أحلى تشجيع
وأحلى الأوسمة

المشاركة الأصلية كتبت بواسطة gihan afifi

ولايهمك ياصدفتى
خيرها فى غيرها
إنتى لسة صغنونة , والأيام اللى جاية كتير ربى عاينلك الخير كله
وأوعى تُحبطى
طب وتبروزيها ليه
ضعي فى مدونتك اللى اشتركتى به فى المسابقة
وهتلاقى أحلى تشجيع
وأحلى الأوسمة

عادي ياطنط جيهان أحبط إيه
ده حتى أنا كنت ناسية أصلا ميعاد اعلان النتيجة
ولحد دلوقتي معرفش حتى أسماء الفائزين ولا سألت
ان شاء الله تتعوض مرة تانية , وأنا ورا الساقية لحد ما تكسبني
بس حكاية أضع الشعر اللي كنت داخلة بيه المسابقة في المدونة مش هينفع
لأنه شعر سياسي

قصة أكثر من رائعه
والله تحيرت أثناء التصويت من روعة القصص
الغاليه على قلبي صدفه سعيده
لا نكل ولا نمل أبداً من قراءة اعمالك الجميله
فلا تحرمينا جديدك

المشاركة الأصلية كتبت بواسطة silentemotions

قصة أكثر من رائعه
والله تحيرت أثناء التصويت من روعة القصص
الغاليه على قلبي صدفه سعيده
لا نكل ولا نمل أبداً من قراءة اعمالك الجميله
فلا تحرمينا جديدك

شكرا ياصديقتي العزيزة على كلامك الزوق جدا جدا
شرفتي قصتي المتواضعة بحروفك الرائعة

بس حكاية أضع الشعر اللي كنت داخلة بيه المسابقة في المدونة مش هينفع
لأنه شعر سياسي

شوفتى أخر الكلام فى السياسة
عمل فيكى ايه
إوعى تعمليها تانى ياقطة
هههه

المشاركة الأصلية كتبت بواسطة gihan afifi

شوفتى أخر الكلام فى السياسة
عمل فيكى ايه
إوعى تعمليها تانى ياقطة
هههه

اه ياطنط جيهان كان مالي أنا بالسياسة
أنا مليش فيه
على العموم الحمد لله إن أنا خسرت كانت كل الناس مستنية الجايزة وكل واحد محضر لسته بالطلبات
اللي عايزني أجبهاله كإن الجايزة دي اللي هتنقذ الأمم النامية من الديون والإفلاس

المشاركة الأصلية كتبت بواسطة صدفة سعيدة

شكرا يارشماء على مرورك وعلى كلامك الجميل
وعن حكاية الاستيقاظ دي بصراحة مش عارفة أصل بحب الصحيان بدري
وبعدين إحنا أخوات بلاش فضايح .
إحترميني يابنت أنا أختك الكبيرة بردو

واضح يا صدفه اللى بيقع فيها أغلب الكتاب
هى البدايه . . نبتدى منين الحكايه
فتلاقى دخلنا بإستيقظت ، ما تعرفيش ليه
أنا بأقعد ألف وأدور حوالين نفسى لغاية ما أعرف أبتدى منين
بس سيبك إنت دايما هايله شاعرتنا الكبيره

قصة جميلة يا سارة ، و حستها جدا

أولا اعتذر كثيرا على التأخر فى الرد(مشاغل)
كنت انتظر فعلا (انك تنزليها فى مدومنتك للتعليق)
وكما قلت من قبل كنت سأعطيها صوتى(لولا نفس المشاغل)
القصة جميلة جدا بسيطة فى اسلوبها السهل القريب من النفس فضلا عن المفاجأة التى لم انجح فى اكتشافها فالبدايه
وهى ما اقنعتنى ببراعتك ككاتبة واعده
تحياتى البالغه وتهنئتى بهذا العمل البديع
ولمزيد من التقدم إن شاء الله
وكل سنة وانتى طيبة

المشاركة الأصلية كتبت بواسطة borg_elhaz

واضح يا صدفه اللى بيقع فيها أغلب الكتاب
هى البدايه . . نبتدى منين الحكايه
فتلاقى دخلنا بإستيقظت ، ما تعرفيش ليه
أنا بأقعد ألف وأدور حوالين نفسى لغاية ما أعرف أبتدى منين
بس سيبك إنت دايما هايله شاعرتنا الكبيره

فعلا ياموني البداية بتبقى صعبة جدا يعني أحيانا بتبقى فكرة القصة أو القصيدة في دماغي لكن
مش عارفة أبتدي ازاي وممكن أكتب وأشخبط وأقطع ورق كتير لحد ما ربنا يفرجها عليا بالإلهام
وتلاقيني بقى فوريرة بعد كده
يعني بقالي حاولي أسبوع نفسي أكتب حاجة عن العيد مش عارفة خالص
وكتبت موضوعين تانين بعاد كل البعد عن العيد ومش عارفة ليه لحد العيد وتفكيري بيوقف
يلا مفيش نصيب

المشاركة الأصلية كتبت بواسطة nadonido

قصة جميلة يا سارة ، و حستها جدا

الأجمل هو تواجدك يانادين, شرفتيني جدا جدا بكلامك الجميل ياأحلى نادين

المشاركة الأصلية كتبت بواسطة احمد

أولا اعتذر كثيرا على التأخر فى الرد(مشاغل)
كنت انتظر فعلا (انك تنزليها فى مدومنتك للتعليق)
وكما قلت من قبل كنت سأعطيها صوتى(لولا نفس المشاغل)
القصة جميلة جدا بسيطة فى اسلوبها السهل القريب من النفس فضلا عن المفاجأة التى لم انجح فى اكتشافها فالبدايه
وهى ما اقنعتنى ببراعتك ككاتبة واعده
تحياتى البالغه وتهنئتى بهذا العمل البديع
ولمزيد من التقدم إن شاء الله
وكل سنة وانتى طيبة

ايه الكلام الكبير ده يابشمهندس أحمد
ما أكتبه ليس إلا نقطة في بحر مما تقدمه لنا كاتبنا المبدع
أسعدني رد حضرتك جدا
وكل سنة وحضرتك طيب وسلامي لمصطفي كتير كتير

الحمد انى ما شفت المسابقه من الاول لانى بجد كنت هبقى فى موقف صعب لااختار
كل القصص رائعه
بجد قصه رائعه جدا صدفه
بس بدور على قصه امى بس مش عارفه هى فين بالظبط ؟؟؟؟
تسلمى
كل عام وانت بخير

اقل ما يقال رائعة
لك اسلوب متميز يا سارة

المشاركة الأصلية كتبت بواسطة سوعه

الحمد انى ما شفت المسابقه من الاول لانى بجد كنت هبقى فى موقف صعب لااختار
كل القصص رائعه
بجد قصه رائعه جدا صدفه
بس بدور على قصه امى بس مش عارفه هى فين بالظبط ؟؟؟؟
تسلمى
كل عام وانت بخير

متقلقيش ياسوعة لو فاتك المسابقة دي أنا بحضر لمسابقة جديدة بس مختلفة شوية
وهتضطري تتحطي في موقف صعب للإختيار
شكرا على كلامك جدا وحاضر من عنيه هضع رابط قصة أمي اللي صاحبتها كاتبتنا المبدعة
برج الحظ
بصي ياسوعة هتلاقيها في مدينة القصة والخواطر بقلم الأعضاء موضوع بإسم
قصة قصيرة بقلم المتسابقين