المصري(مسلم ومسيحي)

**صدفة سعيدة** · 05-09-2010 11:32 PM

المصري(مسلم ومسيحي)

المصري مسلم يقوم ساعة الفجرية

يغسل وشه ويتوضا بشوية مية

ويدعي ربه يعديه من الحياة ديه

ويكفيه شر الحاجات المستخبيه

ما هو المصري مسلم موحد بالرحمن

يرفع أيديه للسما وقت الأدان

بنية صافية وقلب مليان حنان

ويدعي لابنه ويحصنه بالقرآن

ما هو المصري محمد وعلي وعبدالرحمن

**********
المصري مسيحي بيروح الكنيسة

يصلي للعذرا والحي عيسى

يولع شمعة تملى الدنيا بنورها

تتغير الدنيا وتتبدل شجونها

ويوم الحد تلاقي الشارع مفيهوش ناس

ما الكل في الكنيسة بيحضر القداس

ما هو المصري مسيحي مليان بالإحساس

حتى أسأل جرجس ومينا وعم إلياس

*********

المصري مسلم ومسيحي مع بعض علطول

من أيام ثورة 19 وسعد زغلول

لما اجتمع الهلال ويا الصليب

وقالوا الاحتلال في مصر مش مقبول

المصري طول عمره مواطن بسيط

لا عمره عرف الغش ولا التقليد

ما هو المصري دكتور وفلاح وبياع فول

المصري مواطن أصلي زي الكتاب ما بيقول

**nadonido** · 05-09-2010 11:42 PM

بصفتى مصرية مثلك يا أسعد صدفة

سعيدة أنى أول من أبدى إعجابه الشديد بكتابتك هذه ( شكلا و موضوعا)

ربنا يخليكى يا صديقتى

**سنا البرق** · 05-09-2010 11:45 PM

بسم الله كل عيد وانتى بخير واعضاء المملكه بخير ايه الكلام الجامد اوى ده بصراحه جممممممممميل اوى اوى على فكره انا بحب كلامك كله ربنا يذيدك كمان اشوفك على خير بعد العيد

**صدفة سعيدة** · 06-09-2010 02:37 AM

المشاركة الأصلية كتبت بواسطة nadonido

بصفتى مصرية مثلك يا أسعد صدفة

سعيدة أنى أول من أبدى إعجابه الشديد بكتابتك هذه ( شكلا و موضوعا)

ربنا يخليكى يا صديقتى

بصفتي واحدة تشرفت جدا بمعرفة نادين
أشكرك جدا على كلامك الجميل

وربنا يخليكي ياأجدع بنت مصرية عرفتني بيها أحلى ظروف

**borg_elhaz** · 06-09-2010 04:42 PM

تملى كده كلامك جميل وشعرك أجمل
ودائما كلما أعيد قراءة إنتاجك مرات ومرات
إزداد حلاوه وجمال
سلمت يمينك وسلم فكرك
يا عسوله إنت
مش عارفه أعملك إيه
أنا ها عزمك على الفطار إتفضلى

**borg_elhaz** · 06-09-2010 04:46 PM

على فكره دى سفره بيتى
كنا ناويين ننزلها بتفاصيل كل أكله
فى مسابقه سيلنت
وما لحقناش
وبعدين فى المسابقه اللى شغاله دلوقت بس
قالوا لازم لكل أكله خمس صور تفصيليه
مش هينفع غير بعد العيد
يبقى تعالى نلتهمها سوى
مش خساره فيكى يا غاليه

**محمد** · 06-09-2010 09:19 PM

المشاركة الأصلية كتبت بواسطة borg_elhaz

على فكره دى سفره بيتى

كنا ناويين ننزلها بتفاصيل كل أكله
فى مسابقه سيلنت
وما لحقناش
وبعدين فى المسابقه اللى شغاله دلوقت بس
قالوا لازم لكل أكله خمس صور تفصيليه
مش هينفع غير بعد العيد
يبقى تعالى نلتهمها سوى

مش خساره فيكى يا غاليه

من الممكن جدا ان اتوسط لدي السيده الاولي لتسمح بصوره واحده في المسابقه ... بشرط ان احظي بالجلوس علي هذه المائده العامره شديدة التأثير علي المعده و الامعاء و الاثني عشر و الحجاب الحاجز

بالهناء و الشفاء ...

و بالمناسبه ... اود ان اقدم تهنئه خاصه الي صدفه سعيده علي هذا الاداء الادبي الراقي شكلا و جوهرا .....

بارك الله فيكم جميعا
تحياتي

**سميرة** · 06-09-2010 09:30 PM

اية الحاجات الجامدة دى تسلم الايادى تعيشى وتكتبى

و كل سنة وحضرتك بخير و كل اعضاء المملكة بخير

**صدفة سعيدة** · 06-09-2010 10:05 PM

المشاركة الأصلية كتبت بواسطة سنا البرق

بسم الله كل عيد وانتى بخير واعضاء المملكه بخير ايه الكلام الجامد اوى ده بصراحه جممممممممميل اوى اوى على فكره انا بحب كلامك كله ربنا يذيدك كمان اشوفك على خير بعد العيد

وحضرتك بخير(سنا البرق) هتوحشينا جدا وهنستناكِ بعد العيد ان شاء الله
جعله الله عيد سعيد عليكِ وعلى أسرتك جميعا
وشكرا جزيلا على كلامك اللي أسعدني كثيرا

**صدفة سعيدة** · 07-09-2010 10:25 AM

المشاركة الأصلية كتبت بواسطة borg_elhaz

تملى كده كلامك جميل وشعرك أجمل
ودائما كلما أعيد قراءة إنتاجك مرات ومرات
إزداد حلاوه وجمال
سلمت يمينك وسلم فكرك
يا عسوله إنت
مش عارفه أعملك إيه
أنا ها عزمك على الفطار إتفضلى

شكرا ياموني ياقمرايا على كلامك الجميل
وبخصوص العزومة الكلام ده بجد ولا حقيقي

بصراحة شكل الأكل تحفة ويجوع جدا جدا جدا
سلمت أيديكِ اللي جوعتنا

**صدفة سعيدة** · 07-09-2010 10:35 AM

المشاركة الأصلية كتبت بواسطة borg_elhaz

على فكره دى سفره بيتى
كنا ناويين ننزلها بتفاصيل كل أكله
فى مسابقه سيلنت
وما لحقناش
وبعدين فى المسابقه اللى شغاله دلوقت بس
قالوا لازم لكل أكله خمس صور تفصيليه
مش هينفع غير بعد العيد
يبقى تعالى نلتهمها سوى
مش خساره فيكى يا غاليه

بصراحة شكل الأكل رائع
ويفتح نفس أي حد ,
يلا أنا مستعدة ألتهمها معاكِ يااموني واللي يحصل يحصل بلا دايت بلا خنقة

**صدفة سعيدة** · 07-09-2010 10:37 AM

المشاركة الأصلية كتبت بواسطة محمد

و بالمناسبه ... اود ان اقدم تهنئه خاصه الي صدفه سعيده علي هذا الاداء الادبي الراقي شكلا و جوهرا .....

بارك الله فيكم جميعا
تحياتي

شكرا ياسيادة الرئيس على هذا التشجيع المستمر من حضرتكم
بارك الله في عمر سيادتكم

**صدفة سعيدة** · 07-09-2010 10:39 AM

المشاركة الأصلية كتبت بواسطة سميرة

اية الحاجات الجامدة دى تسلم الايادى تعيشى وتكتبى

و كل سنة وحضرتك بخير و كل اعضاء المملكة بخير

شكرا ياسميرة ياجميلة على كلامك
وكل سنة وأنتي في سعادة وراحة بال

**borg_elhaz** · 07-09-2010 12:06 PM

المشاركة الأصلية كتبت بواسطة صدفة سعيدة

شكرا ياموني ياقمرايا على كلامك الجميل
وبخصوص العزومة الكلام ده بجد ولا حقيقي

بصراحة شكل الأكل تحفة ويجوع جدا جدا جدا
سلمت أيديكِ اللي جوعتنا

ياجبيبتى دى مش إيديا أنا
إنت عايزه مدام أمانى تشنقنى
أنا شاركت فى إعداده فقط
علشان وقفة المطبخ فى رمضان كالجهاد فى سبيل الله
فلازم نعمل بلقمتنا ونساعد
وبعدين مفيش حاجه تغلى على شاعرتنا الجميله وصحفيتنا اللامعه
يلا يلا بسم الله بلا دايت بلا بتاع

**borg_elhaz** · 07-09-2010 12:25 PM

المشاركة الأصلية كتبت بواسطة محمد

من الممكن جدا ان اتوسط لدي السيده الاولي لتسمح بصوره واحده في المسابقه ... بشرط ان احظي بالجلوس علي هذه المائده العامره شديدة التأثير علي المعده و الامعاء و الاثني عشر و الحجاب الحاجز

بالهناء و الشفاء ...

يا باشمهندس إتفضل يا هلا بحضرتك وبالسيده الأولى
تشرفونا وتنورونا
بس ياريت فعلا تكون صوره واحده مع كتابة الطريقه
بس علشان نلحق المسابقه

**أحمد مليجي** · 07-09-2010 01:51 PM

ما شاء الله على الأبداع الهادف .... كلمات جميلة جدا ومضمونها أكثر من رائع

تحياتي وتقديري للأخت صدفة سعيدة

كل عام ومصر كلها بخير

**gihan afifi** · 07-09-2010 04:10 PM

ماشاء الله على الابداع ياصدفة
جميلة جدااااااااااااااا
دائما عندك الجديد
الحقينا بقصيدة على العيد

**صدفة سعيدة** · 08-09-2010 05:49 AM

المشاركة الأصلية كتبت بواسطة borg_elhaz

ياجبيبتى دى مش إيديا أنا
إنت عايزه مدام أمانى تشنقنى
أنا شاركت فى إعداده فقط
علشان وقفة المطبخ فى رمضان كالجهاد فى سبيل الله
فلازم نعمل بلقمتنا ونساعد
وبعدين مفيش حاجه تغلى على شاعرتنا الجميله وصحفيتنا اللامعه
يلا يلا بسم الله بلا دايت بلا بتاع

اه تقريبا ياموني كده ملكيش في المطبخ أوي زيي
بس أكل مدام أماني ياخد العقل مهضوم كتير على رأي اللبنانين سلام خاص لمدام أماني

يلا بقى نقول بسم الله الرحمن الرحيم الأكل كده هيبرد

**صدفة سعيدة** · 08-09-2010 05:50 AM

المشاركة الأصلية كتبت بواسطة أحمد مليجي

ما شاء الله على الأبداع الهادف .... كلمات جميلة جدا ومضمونها أكثر من رائع

تحياتي وتقديري للأخت صدفة سعيدة

كل عام ومصر كلها بخير

شكرا جزيلا أستاذنا الجليل أحمد مليجي على كلامك الرائع
وكل عام والأمة العربية كلها بخير

**صدفة سعيدة** · 08-09-2010 06:00 AM

المشاركة الأصلية كتبت بواسطة gihan afifi

ماشاء الله على الابداع ياصدفة
جميلة جدااااااااااااااا
دائما عندك الجديد
الحقينا بقصيدة على العيد

شكرا ياطنط جيهان يارافعة من روحي المعنوية دايما

وحاولت أكتب قصيدة عن العيد بس كان أخري بيتين ومش عارفة أكتب حاجة تاني
تقريبا فكري منهج اليومين دول مبقاش في تفكير خالص

**سوعه** · 12-09-2010 12:10 AM

رائعه جدا صدفه
فعلا قصيده ررررررررائعه
كل عام وانتى والاهل بالف صحه وخير

**Dr\fatma** · 12-09-2010 04:01 AM

تعلمنا اخلاقنا من رسولنا الكريم صلى الله عليه وسلم
كان يحسن الى جيرانه ممن يؤذنه
ولم يكونوا مسلمين
بس يهود
ارجو ان تنعم مصر بالسلام
ويكفينا ربنا شر الفتن

**صدفة سعيدة** · 12-09-2010 07:10 AM

المشاركة الأصلية كتبت بواسطة سوعه

رائعه جدا صدفه
فعلا قصيده ررررررررائعه
كل عام وانتى والاهل بالف صحه وخير

كل عام وأنتي طيبة ياأحلى سوعة يارب تكوني اشتريتي لبس العيد ولاقيتي اللي كنتِ بتدوري عليه
ومتتعبيش أختك معاكِ

أسعدني كلامك كثيرا ياأحلى سوعة

**صدفة سعيدة** · 12-09-2010 07:12 AM

المشاركة الأصلية كتبت بواسطة dr\fatma

تعلمنا اخلاقنا من رسولنا الكريم صلى الله عليه وسلم
كان يحسن الى جيرانه ممن يؤذنه
ولم يكونوا مسلمين
بس يهود
ارجو ان تنعم مصر بالسلام
ويكفينا ربنا شر الفتن

نعم الأخلاق التي تعلمناها من خير البشر سيدنا محمد
عليه أفضل الصلاة والسلام
لا أنسى أبدا قصة جاره الغير مسلم عندما كان يضع الشوك أمام منزل النبي عليه الصلاة والسلام
وعندما تأخر هذا الرجل في وضع الشوك ذات يوم ذهب النبي للإطمئنان عليه
حقا إنك لعلى خلق كريم

**مدام امانى** · 15-09-2010 03:11 PM

المبدعة الجميلة صدفة مش عارفة اقول لك ايه انت رائعة بل اكثر من رائعة فالقصيدة جميلة جداااااااااااااااااااااااااااااااا وياريت كل الشعب المصرى يقرئها علشان يعرفوا ان المسلم والمسيحى اخوة وابناء وطن واحد ومفيش فرق بين مسلم ومسيحى لقد زكرتنى قصيدتك بايام ما لسة كنت فى منزل والدى قبل الزواج فاابى كن يسكن فىمنزل مالكه رجل مسيحى وكل السكان كانو مسيحيين يعنى مكنش فيه حد مسلم غيرنا ومع ذلك كنا اهل واحباب ونقف بجوار بعض فى الفرح وفى الحزن وكان مالك العمارة لم يرزقه الله الاولاد فكنا انا واخوتى نقله يابابا وكان بيسعد بذالك اتمنى من كل مصرى ان لا يستمع لكلام الحاقدين علينا والكارهين لنا الا عاوزين يفرقونا عن بعض حمانا الله من كل شر ومن حقدين قولو اميييييييييييييين

اخر مواضيع المنتدى

الموضوع: المصري(مسلم ومسيحي)

المصري(مسلم ومسيحي)

رد: المصري(مسلم ومسيحي)

رد: المصري(مسلم ومسيحي)

رد: المصري(مسلم ومسيحي)

رد: المصري(مسلم ومسيحي)

رد: المصري(مسلم ومسيحي)

رد: المصري(مسلم ومسيحي)

رد: المصري(مسلم ومسيحي)

رد: المصري(مسلم ومسيحي)

رد: المصري(مسلم ومسيحي)

رد: المصري(مسلم ومسيحي)

رد: المصري(مسلم ومسيحي)

رد: المصري(مسلم ومسيحي)

رد: المصري(مسلم ومسيحي)

رد: المصري(مسلم ومسيحي)

رد: المصري(مسلم ومسيحي)

رد: المصري(مسلم ومسيحي)

رد: المصري(مسلم ومسيحي)

رد: المصري(مسلم ومسيحي)

رد: المصري(مسلم ومسيحي)

رد: المصري(مسلم ومسيحي)

رد: المصري(مسلم ومسيحي)

رد: المصري(مسلم ومسيحي)

رد: المصري(مسلم ومسيحي)

رد: المصري(مسلم ومسيحي)

معلومات الموضوع

الأعضاء الذين يشاهدون هذا الموضوع

المواضيع المتشابهه

مواقع النشر (المفضلة)

مواقع النشر (المفضلة)

ضوابط المشاركة